ଯାଜପୁର: ପାଣିକୋଇଲି ସ୍ଥିତ ରିଜର୍ଭ ପୋଲିସ ପଡିଆରେ ପାଳିତ ହୋଇଯାଇଛି ୫୮ ତମ ଗୃହରକ୍ଷୀ ଦିବସ । ଏଥିରେ ଯାଜପୁର ଏସପି ଚରଣ ସିଂ ମିନା ମୁଖ୍ୟ ଅତିଥି ଭାବେ ଯୋଗ ଦେଇ ଆଇନଶୃଙ୍ଖଳା ରକ୍ଷା କ୍ଷେତ୍ରରେ ଗୃହରକ୍ଷୀ ମାନଙ୍କର ଭୂମିକା ସଂପର୍କରେ ଆଲୋଚନା କରିବା ସହ ସେମାନଙ୍କ ସମ୍ମିଳିତ ପ୍ୟାରେଡରେ ଅଭିବାଦନ ଗ୍ରହଣ କରିଥିଲେ ।
ପାଣିକୋଇଲି ସ୍ଥିତ ରିଜର୍ଭ ପୋଲିସ ପଡିଆରେ ୫୮ ତମ ଗୃହ ରକ୍ଷୀ ଦିବସ ପାଳିତ
ଏହି ସ୍ବତନ୍ତ୍ର ଉତ୍ସବରେ ଅତିରିକ୍ତ ଏସପିଙ୍କ ସମେତ ବିଭିନ୍ନ ଥାନା ଅଧିକାରୀ ମାନେ ମଧ୍ୟ ଉପସ୍ଥିତ ଥିଲେ । ଏହା ସହ ପ୍ଲାଜମା ଦାନ କରିଥିବା ୪ ଜଣ ଗୃହରକ୍ଷୀଙ୍କୁ ଏସ୍ପି ମାନପତ୍ର ସହ ପୁଷ୍ପଗୁଚ୍ଛ ଓ ଅର୍ଥରାଶୀ ଦେଇ ସମ୍ବର୍ଦ୍ଧନା କରିଥିଲେ ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
