ଯାଜପର: ଘରୋଇ କଳିରୁ ନିଜକୁ ଗୁଳି ମାରି ଆତ୍ମହତ୍ୟା କଲା ଯୁବକ । ଏଭଳି ଘଟଣା ଘଟିଛି ଯାଜପୁର ଜିଲ୍ଲା ଟମକା ଥାନା ଅନ୍ତର୍ଗତ ଟୁଙ୍ଗେଇଶୁଣି ଗ୍ରାମରେ । ଗତ 24 ତାରିଖ ରାତିରେ ସେହି ଗ୍ରାମର ମଙ୍ଗଳ ନାୟକ ଏବଂ ତାଙ୍କ ସ୍ତ୍ରୀଙ୍କ ମଧ୍ୟରେ କଳି ଝଗଡା ଉଗ୍ରରୂପ ଧାରଣ କରିଥିଲା ।
ଘରୋଇ କଳିରୁ ନିଜକୁ ଗୁଳି ମାରି ଆତ୍ମହତ୍ୟା
ଫଳରେ ପିଲାମାନଙ୍କୁ ଧରି ତାଙ୍କ ସ୍ତ୍ରୀ ବାହାରେ ଶୋଇଥିବାବେଳେ ମଙ୍ଗଳ ଘରେ ରଖିଥିବା ଏକ ଚଢେଇ ମରା ବନ୍ଧୁକରେ ନିଜ ଉପରକୁ ଗୁଳି ଚଳାଇଥିଲା । ଫଳରେ ଘଟଣାସ୍ଥଳରେ ତାଙ୍କର ପ୍ରାଣବାୟୁ ଉଡିଯାଇଥିଲା। ଦାନଗଦି ମେଡିକାଲକୁ ମୃତଦେହ ବ୍ୟବଚ୍ଛେଦ ପାଇଁ ପଠାଯିବା ସହ ଟମକା ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ତେବେ ପୋଲିସର ପ୍ରତିକ୍ରିୟା ମିଳିପାରି ନାହିଁ ।
ଯାଜପରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
