ଯାଜପୁର: ଜାରକା ନିକଟ 16 ନଂ ଜାତୀୟ ରାଜପଥ ଗୋକର୍ଣ୍ଣେଶ୍ବର ବ୍ରିଜ ଉପରେ ଦୁର୍ଘଟଣା । ଏକ ଅଜଣା ଗାଡି ଧକ୍କାରେ ଜଣେ ଯୁବକଙ୍କର ମୃତ୍ୟୁ ହୋଇଛି । ମୃତ ଯୁବକ ଜେନାପୁର ଥାନା କବାଟବନ୍ଧ ଅଞ୍ଚଳର ପରମାନନ୍ଦ ସାହୁଙ୍କର ପୁଅ ବିଦ୍ୟାଧର ସାହୁ ।
ଅଜଣା ଗାଡିରେ ଧକ୍କାରେ ସ୍କୁଟି ଚାଳକ ମୃତ
ବିଦ୍ୟାଧର ଜାରକାରୁ କାମ ସାରି ନିଜ ଘର କବାଟ ବନ୍ଧକୁ ସ୍କୁଟିରେ ଫେରୁଥିବା ବେଳେ ଗୋକର୍ଣ୍ଣେଶ୍ବର ବ୍ରିଜ ଉପରେ ତାଙ୍କୁ ଏକ ଅଜଣା ଗାଡି ଧକ୍କା ଦେଇଥିଲା । ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ହୋଇଛି I ଖବର ପାଇ ଧର୍ମଶାଳା ପୋଲିସ ଦୁର୍ଘଟଣା ସ୍ଥଳରେ ପହଞ୍ଚି ମୃତ ଦେହ ଉଦ୍ଧାର କରିବା ସହ ଧର୍ମଶାଳା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ପଠାଇ ଘଟଣାର ତଦନ୍ତ ଚଳାଇଛି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
