ଯାଜପୁର: ବ୍ୟାସନଗର ତାରିଣୀ ମାର୍କେଟ ନିକଟରେ ସଡ଼କ ଦୁର୍ଘଟଣା ଘଟିଛି । ସାର ବୋଝେଇ ଟ୍ରକ ଧକ୍କାରେ ବାଇକ ଆରୋହୀଙ୍କର ଘଟଣା ସ୍ଥଳରେ ମୃତ୍ୟୁ ଘଟିଛି ।ମୃତକଙ୍କ ନାମ ଗୋଲଖ ସାହୁ ବୋଲି ଜଣାପଡ଼ିଛି ।
ଭିଡ଼ିଓ ସୌଜନ୍ଯ: ସମ୍ବାଦଦାତା, ଯାଜପୁର
ସୂଚନା ମୁତାବକ ଗୋଲଖ ସାହୁଙ୍କ ଘର ଧର୍ମଶାଳା ନିର୍ବାଚନ ମଣ୍ଡଳୀ ଅନ୍ତର୍ଗତ ଜାବର ପଞ୍ଚାୟତରେ । ସେ ପରିବା ବେପାର କରିବାକୁ ପ୍ରତେକ ଦିନ ବ୍ୟାସନଗର ସ୍ଥିତ ତାରଣୀ ମାର୍କେଟକୁ ଆସିଥାନ୍ତି । ତେବେ ଗୋଲଖ ଶନିବାର ବେପାର ସାରି ସାଙ୍ଗ ସହିତ ଏକ ପଲସର ବାଇକ ଯୋଗେ ହୋଟେଲକୁ ଖାଇବାକୁ ଯାଉଥିବା ସମୟରେ ଏକ ସାର ଵୋଝେଇ ଟ୍ରକ୍ ଧକ୍କା ଦେଇଥିଲା । ଫଳରେ ଘଟଣା ସ୍ଥଳରେ ଗୋଲଖଙ୍କର ମୃତ ହୋଇଛି ।
ମୃତକଙ୍କୁ ନେଇ କିଛି ସମୟ ପାଇଁ ଘଟଣା ସ୍ଥଳରେ ଉତ୍ତେଜନା ଦେଖା ଦେଇଥିଲା । ତେବେ ଖବର ପାଇ ଘଟଣା ସ୍ଥଳରେ ସ୍ଥାନୀୟ ପୋଲିସ ପହଁଛି ଲୋକଙ୍କୁ ବୁଝାସୁଝା କରି ମୃତ ଗୋଲଖର ଶବକୁ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ ଦାନଗଦି ଚିକିତ୍ସାଳୟକୁ ପଠାଛି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
