ନୂଆବର୍ଷରେ ଅଜଣା ଗାଡି ଧକ୍କାରେ 2 ମୃତ

ସଡକ ଦୁର୍ଘଟଣାରେ 2 ଜଣଙ୍କ ମୃତ୍ୟୁ । ସ୍କୁଟିରେ ଆସୁଥିବା ସମୟରେ ଅଜଣା ଗାଡି ଧକ୍କାରେ ଦୁଇଜଣ ପ୍ରାଣ ହରାଇଛନ୍ତି ।

ଯାଜପୁର: ଦୁର୍ଘଟଣାରେ 2 ଜଣଙ୍କ ମୃତ୍ୟୁ । ବଡଚଣା ଥାନା ସମ୍ମୁଖ ରାସ୍ତାରେ ଆଜି(ବୁଧବାର) ସନ୍ଧ୍ୟା 5ଟାରେ ଏହି ଦୁର୍ଘଟଣା ଘଟିଛି ।

ମୃତକମାନେ ହେଲେ କଟକ ଟାଙ୍ଗୀ ତୁଳସୀପୁର ଅଞ୍ଚଳର ପିତାମ୍ବର ଜଟ ଓ ଭବାନୀଶଙ୍କର ଦେହୁରୀ । ଏମାନେ ଏକ ସ୍କୁଟି ଯୋଗେ ଧର୍ମଶାଳା ମହୋତ୍ସବ ଦେଖି ଫେରୁଥିବା ବେଳେ ବଡଚଣା ଥାନା ସମ୍ମୁଖରେ ଏକ ଅଜଣାଗାଡି ସେମାନଙ୍କୁ ଧକ୍କା ଦେବା ଫଳରେ ଘଟଣାସ୍ଥଳରେ ଦୁହିଁଙ୍କର ମୃତ୍ୟୁ ଘଟିଥିଲା ।

ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ