ଯାଜପୁର : ଆଉ ଗୋଟେ ଦିନ ପରେ ମା ଦୁର୍ଗାଙ୍କ ପୂଜା । ଜିଲ୍ଲାର ବ୍ୟାସନଗର ସହର ଓ କୋରେଇ ବ୍ଳକରେ କୋଭିଡ ନିୟମ କଡାକଡି ପାଳନ ସହ ମାଙ୍କ ପୂଜା ପାଇଁ ପ୍ରସ୍ତୁତି ଶେଷ ପର୍ଯ୍ୟାୟରେ । ପ୍ରତିବର୍ଷ ବ୍ୟାସନଗର ସହରରେ ଯାକଜମକରେ ହୁଏ ମା ଜଗତ ଜନନୀ ଦୁର୍ଗାଙ୍କର ପୂଜା ।
କୋଭିଡ ନିୟମ କଡାକଡି ପାଳନ ସହ ମାଙ୍କ ପୂଜା ପାଇଁ ପ୍ରସ୍ତୁତି ଶେଷ ପର୍ଯ୍ୟାୟରେ
ସହରର ଚୋରଦା,ମୁଣ୍ଡମାଳ, ରାଇସମିଲ ଓ ବସଷ୍ଟାଣ୍ଡ ଆଦି ଅଞ୍ଚଳରେ ମାଙ୍କର 6 ଟି ମେଢ ହୋଇଥାଏ । କିନ୍ତୁ ଏ ବର୍ଷ ସବୁ ଫିକା । ପାର୍ବଣରେ ପଡିଛି କରୋନାର ପ୍ରଭାବ । ଏଥର ଆଉ ଜାକଜମକରେ ପୁଜା ଦେଖିବାକୁ ମିିଳିବ ନାହିଁ ।
ସହରରେ ହାଇକୋର୍ଟଙ୍କ କୋଭିଡ ନିୟମ ଅନୁଯାୟୀ ଚାଲିଛି ପ୍ରସ୍ତୁତି। ସହରର ପ୍ରତେକ ମେଢ ପାଖରେ ଦେଖାଯାଉନି ଵିଶେଷ ସାଜସଜା। ଆଉ ମାଙ୍କ ମୂର୍ତ୍ତି ନିୟମ ଅନୁଯାୟୀ ୪ ଫୁଟ ଭିତରେ ସିମିତ ରଖାଯାଇଛି । କେବଳ ବିଧି ରକ୍ଷା ପୁର୍ବକ ପୁଜା କରାଯାଉଥିବା ବେଳେ ସାଧାରଣ ଦର୍ଶନକୁ ବନ୍ଦ ରଖାଯିବ । ତେବେ ଆଜି ରାତିରେ ମାଙ୍କର ଷଷ୍ଠୀପୂଜା ଯଥା ବେଲବରଣୀ ପୂଜା ଆରମ୍ଭ ହେବ।
ଯାଜପରରୁ ଜ୍ଞାନରଞ୍ଜନ ଓଝା , ଇଟିଭି ଭାରତ
