ଯାଜପୁର: ଚଣ୍ଡିଖୋଲ ଡୁବୁରୀ ଜାତୀୟ ରାଜପଥ ପାଲଟିଛି ମରଣଯନ୍ତା । ପ୍ରତିଦିନ ଦୁର୍ଘଟଣା ଘଟି ଅସମୟରେ ଚାଲିଯାଉଛି ଅନେକ ଜୀବନ । ହେଲେ ସମସ୍ୟା ସମାଧାନରେ ବିଫଳ ଜାତୀୟ ରାଜପଥ । ଯାହାର ଏକ ଏକ ସ୍ଥାୟୀ ପ୍ରତିକାର ଦାବି ନେଇ ନାଗରିକ ମଞ୍ଚ ପକ୍ଷରୁ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଶାନ୍ତିପୂର୍ଣ୍ଣ ପ୍ରତିବାଦ କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ଏହି ଜାତୀୟ ରାଜପଥର କବାଟବନ୍ଧ ପୋଲଟି ସମ୍ପୂର୍ଣ୍ଣ ବିପଦସଙ୍କୁଳ ହୋଇପଡିଥିଲେ ମଧ୍ୟ ମରାମତିକୁ ଅଧପନ୍ତରିଆ ଛାଡି ଦେଇଛନ୍ତି କର୍ତ୍ତୃପକ୍ଷ । ତେଣୁ ଏ ଦିଗରେ ସ୍ଥାୟୀ ସମାଧାନ କରାନଗଲେ ଆଗାମୀ ଦିନରେ ଆନ୍ଦୋଳନ କରାଯିବ ବୋଲି ମଞ୍ଚ ପକ୍ଷରୁ ଚେତାବନୀ ଦିଆଯିବା ସହ ଜିଲ୍ଲାପାଳଙ୍କୁ ଏକ ଦାବି ପତ୍ର ପ୍ରଦାନ କରାଯାଇଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
