ଭିଡିଓ ସୌଜନ୍ୟ : ସମ୍ବାଗଦାତା, ଯାଜପୁର
ବ୍ଲକଗ୍ରାଣ୍ଟ କର୍ମଚାରୀଙ୍କୁ ସର୍ଭିସ କଣ୍ଡିସନ ଦେବା, ଅଧ୍ୟାପକ ମାନଙ୍କୁ ପଦୋନ୍ନତି ଦେବା, ଯୋଗ୍ୟତା ଆଧାରରେ ଅଧ୍ୟାପକ ଅଧ୍ୟାପିକାଙ୍କୁ ରିଡର୍ ଭାବେ ଅବସ୍ଥାପିତ କରିବା, ୟୁଜିସି ସମ୍ପ୍ରସାରଣ, ଅବସରକାଳୀନ ବୟସ ସୀମା 62ବର୍ଷକୁ ବୃଦ୍ଧି କରିବା ଆଦି ବିଭିନ୍ନ ଦାବି ନେଇ ସରକାରଙ୍କୁ ବାରମ୍ବାର ଦାବି ଜଣାଯାଇଛି ।
ତେବେ ଅଦ୍ୟାବଧି ଏହା ପୂରଣ କରାଯାଇନାହିଁ । ସେଥିପାଇଁ ଆସନ୍ତା ଫେବୃଆରୀ 12 ତାରିଖ ଦିନ ବିଧାନସଭା ସମ୍ମୁଖରେ ବେସରକାରୀ କଲେଜ ଶିକ୍ଷକ ସଂଘ ପକ୍ଷରୁ ଧାରଣା ଦେବାକୁ ଚେତାବନୀ ଦିଆଯାଇଛି । ଏଥିରେ ରାଜ୍ୟର ବିଭିନ୍ନ ବେସରକାରୀ କଲେଜରୁ ପ୍ରାୟ 30 ହଜାରରୁ ଊର୍ଦ୍ଧ୍ୱ ଅଧ୍ୟାପକ ଅଧ୍ୟାପିକା ଓ କର୍ମଚାରୀ ସାମିଲ ହେବେ ବୋଲି ସଂଘ ପକ୍ଷରୁ କୁହାଯାଇଛି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
