ଯାଜପୁର: ଦୁଇଟି ସ୍କୁଟିକୁ ଧକ୍କା ଦେଲା ଟ୍ରକ୍ । ଘଟଣାରେ ଜଣେ ମୃତ, 5 ଗୁରୁତର । ଏଭଳି ମର୍ମନ୍ତୁଦ ସଡକ ଦୁର୍ଘଟଣା ଘଟିଛି ପାଣିକୋଇଲି-ଯାଜପୁର ରୋଡ୍ ରାସ୍ତାର ଚାନ୍ଦପୁର ଛକ ନିକଟରେ ।
2ଟି ସ୍କୁଟିକୁ ପିଟିଲା ଟ୍ରକ
ସୂଚନା ଅନୁଯାୟୀ, ରବିବାର ଏକ ଦମ୍ପତି ତାଙ୍କ ସମ୍ପର୍କୀୟଙ୍କ ପରିବାର ସହିତ ପୃଥକ ପୃଥକ ଦୁଇଟି ସ୍କୁଟିରେ କୁସୁମା ବୁଲି ଯାଇଥିଲେ। ଏହି ଦମ୍ପତି ଯାଜପୁର ଟାଉନରୁ କୁସୁମା ପରିଦର୍ଶନ କରି ଘରକୁ ଫେରୁଥିଲେ। ଘରକୁ ଫେରିବା ବାଟରେ ବୀପରିତ ଦିଗରୁ ଆସୁଥିବା ଏକ ଟ୍ରକ୍ ଭାରସାମ୍ୟ ହରାଇ ଡିଭାଇଡର ଅତିକ୍ରମ କରି ସ୍କୁଟି ଦୁଇଟିକୁ ଧକ୍କା ଦେଇଥିଲା । ଫଳରେ ଦୁର୍ଘଟଣାରେ ରାନୀ ବର୍ନୱାଲ ନାମକ ମହିଳାଙ୍କ ମୃତ୍ୟୁ ଘଟିଥିବା ବେଳେ 5 ଗୁରୁତର ଆହତ ହୋଇଛନ୍ତି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
