ଯାଜପୁର: ଜିଲ୍ଲାର ସୁକିନ୍ଦା ନିର୍ବାଚନୀ ମଣ୍ଡଳୀର ୮ ନଂ ଜୋନ ଜିଲ୍ଲାପରିଷଦ ପଦ ପାଇଁ ନାମାଙ୍କନପତ୍ର ଦାଖଲ ହୋଇଛି । ଆସନ୍ତା ୨୭ ତାରିଖ ଦିନ ନିର୍ବାଚନ ଅନୁଷ୍ଠିତ ହେବ । ଏଥିପାଇଁ ଆଜି ବିଜେଡ଼ି ପ୍ରାର୍ଥୀ ଭାବେ ପ୍ରଦୀପ କୁମାର ମହାନ୍ତି ଉପଜିଲ୍ଲାପାଳଙ୍କ ନିକଟରେ ନିଜର ନାମାଙ୍କନପତ୍ର ଦାଖଲ କରିଛନ୍ତି ।
ଭିଡିଓ ସୌଜନ୍ୟ- ସମ୍ବାଦଦାତା, ଯାଜପୁର
ତେବେ କିଛିଦିନ ପୂର୍ବରୁ ଏହି ଜୋନର ସଭ୍ୟ ଥିବା ପ୍ରତାପ ଧୀର ନିଜ ପଦବୀରୁ ଇସ୍ତଫା ଦେଇ ବିଜେପିରେ ମିଶିବା ଫଳରେ ପଦବୀଟି ଖାଲି ପଡିଛି । ସୁକିନ୍ଦା ନିର୍ବାଚନୀ ମଣ୍ଡଳିର ୭ଟି ପଞ୍ଚାୟତକୁ ନେଇ ୮ ନଂ ଜୋନ ଜିଲ୍ଲାପରିଷଦ ଗଠିତ ହୋଇଥିବାବେଳେ ଆଜି ବିଜେଡ଼ି ପ୍ରାର୍ଥୀ ନିଜର ନାମାଙ୍କନ ଦାଖଲ କରିଛନ୍ତି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
