ଯାଜପୁର: ଗାନ୍ଧୀଙ୍କ ଆଦର୍ଶ ପ୍ରଚାର । ସାରା ଦେଶରେ ଜାତିର ପିତା ମହାତ୍ମା ଗାନ୍ଧୀଙ୍କ ୧୫୦ ବର୍ଷ ପୂର୍ତ୍ତି ଉତ୍ସବ ପାଳନ କରାଯାଉଥିବାବେଳେ ଯାଜପୁରରେ ଅନୁଷ୍ଠିତ ହୋଇଥିଲା ଏକ ନିଆରା କାର୍ଯ୍ୟକ୍ରମ ।
ଖବର କାଗଜ ସଂଗ୍ରାହକଙ୍କ ଦ୍ବାରା ଗାନ୍ଧୀ ଆଦର୍ଶର ପ୍ରଚାର
ମହାତ୍ମା ଗାନ୍ଧୀଙ୍କ ଆଦର୍ଶ ଓ ଗାନ୍ଧୀବାଦର ପ୍ରଚାର ପ୍ରସାର କରିବା ଉଦ୍ଦେଶ୍ୟରେ ଖବର କାଗଜ ସଂଗ୍ରାହକ ଅଶୋକ ସାହୁଙ୍କ ଦ୍ବାରା ଆୟୋଜିତ ହୋଇଯାଇଛି ଖବରକାଗଜ ପ୍ରଦର୍ଶନୀ । ଯାଜପୁର ବିରଜା ହାଇସ୍କୁଲ ପରିସରରେ ଅନୁଷ୍ଠିତ ଏହି ପ୍ରଦର୍ଶନକୁ ସମଗ୍ର ଶିକ୍ଷା ଅଭିଯାନର ଜିଲା ପ୍ରକଳ୍ପ ସଂଯୋଜକ ବିଷ୍ଣୁଚରଣ ସୁତାର ମୁଖ୍ୟ ଅତିଥି ଭାବେ ଯୋଗ ଦେଇ ଏହାକୁ ଉଦଘାଟନ କରିଥିଲେ ।
ଏହି ପ୍ରଦର୍ଶନୀରେ ଗାନ୍ଧୀଙ୍କ ସଂପର୍କରେ ପ୍ରକାଶିତ ଦେଶ ଓ ବିଦେଶର ବିଭିନ୍ନ ଖବରକାଗଜ ପ୍ରଦର୍ଶିତ ହୋଇଥିଲା । ଏହି ଖବରକାଗଜ ପ୍ରଦର୍ଶନୀରେ ବିଦ୍ୟାଳୟର ଛାତ୍ରଛାତ୍ରୀମାନେ ଗାନ୍ଧିଜୀଙ୍କ ବିଷୟରେ ବହୁତ କିଛି ଜାଣିବାକୁ ପାଇଥିଲେ ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
