ଯାଜପୁର: ଯୌତୁକ ପାଇଁ ବିବାହିତ ମହିଳାଙ୍କୁ ହତ୍ୟା ଅଭିଯୋଗ ହୋଇଛି । ଏଭଳି ଅଭିଯୋଗ ଆସିଛି ଯାଜପୁର ସଦର ଥାନା ଏରବାଙ୍କ ଗାଁରୁ । ବିବାହିତା ମହିଳା ମିନତୀଙ୍କୁ ତାଙ୍କ ଶାଶୂ ଘର ଲୋକ ଯୌତୁକ ପାଇଁ ହତ୍ୟା କରିଥିବା ଅଭିଯୋଗ ଆଣିଛନ୍ତି ମିନତୀଙ୍କ ପରିବାର ଲୋକେ ।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ସୂଚନାନୁଯାୟୀ, ଧର୍ମଶାଳା ଥାନା ଚୋରମୁହାଁ ଗ୍ରାମର ଜ୍ଞାନେନ୍ଦ୍ର ଦାସଙ୍କ ଝିଅ ମିନତୀ ୩ ବର୍ଷ ତଳେ ମନୋଜ ନାୟକକୁ ବିବାହ କରିଥିଲେ । ବିବାହ ପରେ ଶାଶୂ ଘର ଲୋକେ ଯୌତୁକ ପାଇଁ ତାଙ୍କୁ ବାରମ୍ବାର ନିର୍ଯାତନା ଦେଉଥିବା ଅଭିଯୋଗ ହୋଇଥିଲା । ଏ ନେଇ ଥାନା ମାଧ୍ୟମରେ ଏକାଧିକ ବାର ଆପୋଷ ମିଳାମିଶା ମଧ୍ୟ ହୋଇଥିଲା ।
ରବିବାର ମିନତୀଙ୍କ ମୃତଦେହ ତାଙ୍କୁ ଶାଶୂ ଘରୁ ଉଦ୍ଧାର କରାଯାଇଛି । ସେପଟେ ଘଟଣାକୁ ନେଇ ସଦର ଥାନାରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଥିବା ବେଳେ ମାମଲାର ତଦନ୍ତ କରୁଛି ପୋଲିସ ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
