ଯାଜପୁର: ବ୍ୟାସନଗର ପୋୖର ପରିଷଦରେ ୮ ଜଣ ପ୍ରାର୍ଥୀ ନାମାଙ୍କନପତ୍ର ପ୍ରତ୍ୟାହାର କରିଛନ୍ତି । ଏହାକୁ ନେଇ କଳିଙ୍ଗନଗର ଅତିରିକ୍ତ ଜିଲ୍ଲାପାଳ ସନ୍ତୋଷ କୁମାର ମିଶ୍ର ସୂଚନା ଦେଇଛନ୍ତି । ପୌର ନିର୍ବାଚନ ପାଇଁ ନାମାନଙ୍କପତ୍ର ପ୍ରତ୍ୟାହାରର ଆଜି(ଯାଜପୁର) ଥିଲା ଶେଷଦିନ ।
ପୌର ଫାଇଟ: ବ୍ୟାସନଗରରେ ୮ କଲେ ପ୍ରାର୍ଥୀପତ୍ର ପ୍ରତ୍ୟାହାର
ପ୍ରାର୍ଥୀପତ୍ର ପ୍ରତ୍ୟାହାରର ଶେଷ ଦିନରେ ୧ ନମ୍ବର ୱାର୍ଡର ସ୍ଵାଧୀନ ପ୍ରାର୍ଥୀ ସଞ୍ଜୀତ କୁମାର ଜେନା, ୮ନମ୍ବର ୱାର୍ଡ ସ୍ଵାଧୀନ ପ୍ରାର୍ଥୀ ରଶ୍ମିତା ପଣ୍ଡା, ୪ ନମ୍ବର ୱାର୍ଡ ସ୍ଵାଧୀନ ପ୍ରାର୍ଥୀ ଅନୁସୟା ଦାସ, ୫ ନମ୍ବର ୱାର୍ଡ ଅମୂଲି ପହି ନିଜର ନାମାଙ୍କନପତ୍ର ପ୍ରତ୍ୟାହାର କରିଛନ୍ତି । ସେହିଭଳି ୬ ନମ୍ବର ୱାର୍ଡ ପ୍ରଭାତୀ ପାତ୍ର, ୯ ନମ୍ବର ୱାର୍ଡ ନୀଳମଣି ରାଉତ, ଜିତେନ୍ଦ୍ର କୁମାର ଚିନେରା ଓ ୧୪ ନମ୍ବର ୱାର୍ଡର ଅଜୟ ଅଗ୍ରୱାଲ ପ୍ରମୁଖ ୮ ଜଣ ପ୍ରାର୍ଥୀ ନିଜର ପ୍ରାର୍ଥୀପତ୍ର ପ୍ରତ୍ୟାହାର କରିଛନ୍ତି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
