ଯାଜପୁର: ଜିଲାର ବିଞ୍ଝାରପୁର ବାଳମୁକୁଳି ଅଞ୍ଚଳରେ ଅଜଗର ସାପ ଦେଖାଇ ଭିକ୍ଷା ମାଗୁଥିବା ବ୍ୟକ୍ତିଙ୍କୁ ଧରିବାକୁ ଯାଇଥିବା ବନବିଭାଗ କର୍ମଚାରୀ ହାତରୁ ଚମ୍ପଟ ମାରିଲା ସମ୍ପୃକ୍ତ ବ୍ୟକ୍ତି । ଏହି ବ୍ୟକ୍ତି ଜଣକୁ ପିଲା ଚୋର ସନ୍ଦେହ କରି ସ୍ଥାନୀୟ ଲୋକେ ବନ ବିଭାଗ କର୍ମଚାରୀଙ୍କୁ ଖବର ଦେଇଥିଲେ ।
ଯାଜପୁର ବନବିଭାଗ ହାତରୁ ଚମ୍ପଟ ମାରିଲା ସାପୁଆ କେଳା
କର୍ମଚାରୀ ମାନେ ଗାଁରେ ପହଞ୍ଚି ସାପକୁ ଧରିବା ପାଇଁ ଉଦ୍ୟମ କରିବା ସହିତ ସଂପୃକ୍ତ ବ୍ୟକ୍ତିକୁ କାବୁ କରିବାକୁ ଚେଷ୍ଟା କଲାବେଳେ ସେ ଘଟଣାସ୍ଥଳରୁ ଫେରାର ହୋଇଯାଇଥିଲେ । ବିଭିନ୍ନ ସ୍ଥାନରେ ଖୋଜାଖୋଜି କରିବା ପରେ ମଧ୍ୟ ତାଙ୍କର କୌଣସି ପତ୍ତା ମିଳିପାରିନାହିଁ ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
