ଯାଜପୁର: କୋରେଇ ଥାନା ଅନ୍ତର୍ଗତ ମୁକୁନ୍ଦପୁର ପଞ୍ଚାୟତ ଓସଲା ଓଷଳା ଗାଁରେ ପୋଖରୀରେ ବୁଡି ଜଣଙ୍କର ମୃତ୍ୟୁ ଘଟିଛି । ବିଦ୍ୟୁତ ବଲ୍ବ ଚୋରି କରି ଦୌଡୁଥିବାବେଳେ ପୋଖରୀରେ ଖସି ପଡିବାରୁ ତାଙ୍କର ମୃତ୍ୟୁ ଘଟିଥିବା ସୂଚନା ମିଳିଛି ।
ସୂଚନା ମୁତାବକ ସାମାନ୍ୟ ଇଲେକ୍ଟ୍ରି ବଲ ଚୋରିରୁ ଉକ୍ତ ବ୍ୟକ୍ତିଙ୍କର ମୃତ ଘଟିଛି । ସେହି ଗାଁର ଗୋପାଳକୃଷ୍ଣ ଜେନା ଓଷଳା ଗାଁର ଶ୍ରୀଧର ଖଣ୍ଡାଇ ଘର ବାହାରେ ଜଳୁଥିବା ଏକ ବିଦ୍ୟୁତ ବଲ୍ବକୁ ଲୁଚାଇ ନେଉଥିଲେ । ଏହାକୁ ଶ୍ରୀଧର ଦେଖି ଗୋପାଳ ପଛେପଛେ ଆସି ତାଙ୍କୁ ଅଟକାଇ ପକେଟରେ ଥିବା ବଲ୍ବଟିକୁ ନେଇ ଯାଇଥିଲା । ଏହାକୁ ନେଉ ଉଭୟଙ୍କ ମଧ୍ୟରେ ପାଟିତୁଣ୍ଡ ଓ ମାରପିଟ ହୋଇଥିଲା । ଦୌଡାଦୌଡ଼ି ହେଉଥିବା ବେଳେ ଉଭୟ ଗାଁ ପୋଖରୀରେ ଖସି ପଡ଼ିଥିଲେ । ଶ୍ରୀଧର ପୋଖରୀରୁ ଉଠି ପଳାଇଥିବାବେଳେ ଗୋପାଳ ପୋଖରୀ ଆର ପାଖକୁ ପହଁରି ପହଁରି ଯିବାକୁ ଚେଷ୍ଟା କରିଥିଲେ । ମାତ୍ର କୂଳରେ ପହଞ୍ଚି ନପାରି ବୁଡି ଯାଇ ତାଙ୍କର ମୃତ୍ୟୁ ଘଟିଛି ।
ଗାଁ ଲୋକେ ପୋଖରୀରେ ଖୋଜାଖୋଜି କରିବା ପରେ ମଧ୍ୟ ତାଙ୍କୁ ଉଦ୍ଧାର କରି ପାରିନଥିଲେ। ଶେଷରେ ଅଗ୍ନିଶମ ବିଭାଗ କର୍ମଚାରୀଙ୍କୁ ଡାକି ଖୋଜାଖୋଜି କଲା ପରେ ଗୋପାଳର ମୃତଦେହକୁ ଉଦ୍ଧାର କରିଥିଲେ । ଏହାକୁ ନେଇ କୋରେଇ ଥାନାରେ ଅଭିଯୋଗ ପରେ ପୋଲିସ କେସ ନଂ ୧୨/୨୧ ରେ ଏକ ଅପମୃତ୍ୟୁ ମାମଲା ରୁଜୁ କରି ମୃତଦେହକୁ ବ୍ୟବଚ୍ଛେଦ ପାଇଁ ଦାନଗଦି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ପଠାଇଥିବା ଜଣାପଡିଛି । ସୂଚନା ଥାଉ କି ମୃତ ଗୋପାଳ ନିଜ ଗାଁ ଓଷଳା ହୋଇଥିଲେ ବି ସେ ବହୁ ବର୍ଷ ହେବ ଜେନାପୁର ଅଞ୍ଚଳରେ ରହୁଥିଲେ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
