ଯାଜପୁର: ବାଳାଶ୍ରମ ପଡିଆ ପରିବା ମାର୍କେଟ ନିକଟରେ ଅବକାରୀ ବିଭାଗ ଏକ ଗାଡିକୁ ଅଟକାଇ ସେଥିରୁ ୪୫ ଲିଟର ବିଦେଶୀ ମଦ ଜବତ କରିଛି । କଲିକତାରୁ ପରିବା ଗାଡିରେ ବିଦେଶୀ ମଦ ଆସୁଥିବା ବେଳେ ଅବକାରୀ ବିଭାଗ ହାତରେ ଧରାପଡିଥିଲା । ଜବତ ମଦଗୁଡିକ ନାମିଦାମୀ ବ୍ରାଣ୍ଡ୍ର ଥିବା ଜଣାପଡିଛି ।
ପରିବା ଗାଡିରୁ 4 ଲକ୍ଷ ଟଙ୍କାର ମଦ ଜବତ, ଜଣେ ଗିରଫ
ଅବକାରୀ ବିଭାଗ ପକ୍ଷରୁ ଜବତ ମଦର ଆନୁମାନିକ ମୂଲ୍ୟ ୩ରୁ ୪ ଲକ୍ଷ ଟଙ୍କା ହେବ ବୋଲି କୁହାଯାଉଛି । ଓଡିଶାରେ ଏବେ ମଦ ମିଳୁ ନଥିବାରୁ ରାଜ୍ୟ ବାହାରୁ ଏଭଳି ଚୋରା ଆମଦାନୀ ହେଉଛି । ଏହି ଘଟଣାରେ ପୋଲିସ ଜଣକୁ ଗିରଫ ମଧ୍ୟ କରିଛି । ଗିରଫ ଅଭିଯୁକ୍ତ ଜଣଙ୍କ ବିଂଝାରପୁର ଥାନା ଉଡରଙ୍ଗ ଅଞ୍ଚଳର ଦିପ୍ତି ରଞ୍ଜନ ରାଉତ ବୋଲି ଜଣାପଡିଛି । ଏହି ଘଟଣାରେ ପରିବା ଗାଡିକୁ ଜବତ କରିବା ସହିତ ଅଭିଯୁକ୍ତ ବିରୋଧରେ ମାମଲା ରୁଜୁ କରି କୋର୍ଟ ଚାଲାଣ କରିଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
