ଯାଜପୁର: ରମାଦେବୀ ଛାତ୍ରୀ ଝରାଫୁଲ ମୃତ୍ୟୁ ଘଟଣାରେ ଅଭିଯୁକ୍ତ ପୁରୁଷ ବନ୍ଧୁ ରାକେଶ ସ୍ବାଇଁର ରିମାଣ୍ଡ ଆଜି ଶେଷ ହୋଇଛି । ପୋଲିସ ରାକେଶଙ୍କୁ କୋର୍ଟରେ ହାଜର କରିବା ପାଇଁ କୁଆଖିଆ ଥାନାରୁ କୋର୍ଟକୁ ନେଇଛି ।
ତେବେ ରିମାଣ୍ଡ ସମୟରେ ପୋଲିସ ଅଭିଯୁକ୍ତର ମୋବାଇଲକୁ ଜବତ କରିଛି । ଘଟଣା ପରେ ରାକେଶ ପିନ୍ଧିଥିବା ଡ୍ରେସ ଓ ମୋବାଇଲକୁ ନିଜ ଗାଁ ସୁନ୍ଦରପଦା ଘରେ ଲୁଚାଇ ରଖିଥିଲା। ରିମାଣ୍ଡରେ ଆଣି ଜେରା କରିବା ପରେ ଏସବୁର ସନ୍ଧାନ ପାଇଛି ପୋଲିସ ।
ଏପଟେ ଗତକାଲି ଅଭିଯୁକ୍ତ ରାକେଶର ଭାଇ ଓ ସମ୍ପର୍କୀୟ ଭାଇ ଉଭୟଙ୍କୁ ପୋଲିସ ପଚରାଉଚରା କରିବା ପରେ ଛାଡିଦେଇଥିବା ସୂଚନା ମିଳିଛି। 3 ଦିନିଆ ରିମାଣ୍ଡ ଶେଷ ହେବା ପରେ ଅଭିଯୁକ୍ତ ରାକେଶକୁ କୁଆଖିଆ ଥାନାରୁ ବାହାର କରି ଯାଜପୁର ଜିଲ୍ଲା ଦୌରା ଜଜଙ୍କ କୋର୍ଟରେ ହାଜର କରିବା ପାଇଁ ପୋଲିସ ନେଇଛି । ପ୍ରଥମେ ତାର ସ୍ବାସ୍ଥ୍ୟ ପରୀକ୍ଷା କରାଯିବା ପରେ ତାଙ୍କୁ କୋର୍ଟରେ ହାଜର କରାଯିବ ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
