ଯାଜପୁର: ଯାଜପୁର ରୋଡ ଥାନାର ପୋଲିସ ଅଧିକାରୀ ଓ କର୍ମଚାରୀ ମାନେ ବିଭିନ୍ନ ବସ୍ତି ଅଞ୍ଚଳକୁ ଯାଇ ଶୁଖିଲା ଖାଦ୍ୟ ଓ ପିଇବା ପାଣି ଆଦି ବଣ୍ଟନ କରୁଛନ୍ତି । ଆଜି(ଶନିବାର) ଏହି ପୋଲିସ ଟିମ ସ୍ଥାନୀୟ ଗାନ୍ଧୀନଗର କୁଷ୍ଠ ଆଶ୍ରମକୁ ଯାଇ ପିଲା ଠୁଁ ବୁଢା ସମସ୍ତଙ୍କୁ ଡ୍ରାଏ ଫୁଡ୍, ଫଳ ଆଦି ବଣ୍ଟନ କରିଥିଲେ ।
ବସ୍ତିବାସିନ୍ଦାଙ୍କ ବିପଦର ବନ୍ଧୁ ସାଜିଲେ ଯାଜପୁର ରୋଡ ପୋଲିସ
ବସ୍ତି ଅଞ୍ଚଳର ଲୋକେ ନିଜ ବୃତ୍ତିକୁ ବା କାମକୁ ଯାଇପାରୁନଥିବାରୁ ପୋଲିସ ଭାଇ ମାନେ ବସ୍ତିରେ ପହଞ୍ଚି ସେମାନଙ୍କୁ ଖାଦ୍ୟ ବଣ୍ଟନ କରିଥିଲେ । ଗୋଟିଏ ପଟେ କୋଭିଡ-19ରୁ ରକ୍ଷା କରିବା ପାଇଁ ପୋଲିସ ଲକଡାଉନ ନିୟମକୁ କଡାକଡି କରୁଥିବା ବେଳେ ଅନ୍ୟପଟେ ଅବହେଳିତ ବର୍ଗର ଲୋକଙ୍କ ବିପଦ ସମୟର ଦରଦୀ ବନ୍ଧୁ ସାଜିଛି । ତେବେ ପୋଲିସକର୍ମୀଙ୍କର ଏପରି କାମକୁ ନେଇ ବସ୍ତିବାସିନ୍ଦା ଖୁସି ଅନୁଭବ କରୁଥିବା ବେଳେ ସାଧାରଣରେ ମଧ୍ୟ ପ୍ରଶଂସା କରାଯାଉଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
