ଯାଜପୁର: ପ୍ରସ୍ତାବିତ JSW ପ୍ରକଳ୍ପ ଅଞ୍ଚଳ ଢିଙ୍କିଆରେ ଗ୍ରାମବାସୀଙ୍କୁ ଲାଠିମାଡ ଘଟଣା ପ୍ରତିବାଦରେ ଯାଜପୁରରେ ବିକ୍ଷୋଭ ପ୍ରଦର୍ଶନ । ଯାଜପୁର SUCI କମ୍ୟୁନିଷ୍ଟ ପାର୍ଟି ଏହି ବିକ୍ଷୋଭ ପ୍ରଦର୍ଶନ କରିଛି । ସାଧାରଣ ଲୋକଙ୍କ ଉପରେ ହୋଇଥିବା ଆକ୍ରମଣ ଘଟଣାକୁ ନିନ୍ଦା କରିଛି ସଂଗଠନ ।
କିଷାନ ମଜଦୁର ସଙ୍ଗର ଉପ-ସଭାପତି ସଦାଶିବ ଦାଶଙ୍କ ନେତୃତ୍ବରେ ସହରର କିଆନାଳି ଛକରୁ ଏକ ପ୍ରତିବାଦ ଶୋଭାଯାତ୍ରା ବାହାରି ସହର ପରିକ୍ରମା କରିଥିଲା । ଜୋର ଜବରଦସ୍ତ ଜମି ଅଧିଗ୍ରହଣ ଆଦେଶକୁ ତରନ୍ତ ପ୍ରତ୍ୟାହୃତ କରିବା ସହ ଜମି ହରାଇଥିବା ଚାଷୀଙ୍କୁ ଫେରାଇବା ପାଇଁ ଦାବି କରିଛି ସଂଗଠନ ।
ଏହାମଧ୍ୟ ପଢନ୍ତୁ: ବିଡିଓଙ୍କ କରାମତି, ବଦଳିଗଲା ବ୍ଲକ ଅଫିସର ଚିତ୍ର
ଜଗତସିଂହପୁର ଜିଲ୍ଲା ଢ଼ିଙ୍କିଆରେ ପ୍ରଶାସନ ଦ୍ବାରା ଜୋର ଜବରଦସ୍ତ ପାନ ବରଜ ଅଧିଗ୍ରହଣ ଅଭିଯୋଗ ପରେ ଗ୍ରାମବାସୀ ଓ ପୋଲିସ ମୁହାଁମୁହିଁ ହୋଇଥିଲେ । ସ୍ଥିତି ନିୟନ୍ତ୍ରଣ ପାଇଁ ପୋଲିସ ପକ୍ଷରୁ ମୃଦୁ ଲାଠିଚାର୍ଜ କରିଥିଲା । ଏହାପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେବାପରେ ସାରାରାଜ୍ୟରେ ଏହି ଖବର ଚର୍ଚ୍ଚାର ବିଷୟ ପାଲଟିଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
