ଯାଜପୁର: କାର ଓଲଟି ଜଣେ ମୃତ ୪ ଗୁରୁତର । ଯାଜପୁର ଟାଉନ ଥାନା ଅନ୍ତର୍ଗତ କମାଗଡ ଠାରେ ଗାଡି ଓଲଟିବା ଫଳରେ ଜଣେ ଯୁବତୀର ମୃତ୍ୟୁ ହୋଇଥିବାବେଳେ ଡ୍ରାଇଭର ସମେତ ୪ଜଣ ଗୁରୁତର । ସେମାନଙ୍କୁ ତୁରନ୍ତ ଯାଜପୁର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ଯାଜପୁର କାର ଓଲଟି ଜଣେ ଯୁବତୀ ମୃତ, ୪ ଗୁରୁତର
ସୂଚନା ଅନୁସାର ଶୁକ୍ରବାର ରାତି ପ୍ରାୟ ୮ ଟା ସମୟରେ କମାଗଡ ଠାରେ ଗାଡି ଚାଳକ ଭାରସାମ୍ୟ ହରାଇବାରୁ ଦୁର୍ଘଟଣା ଘଟିଛି। ସେମାନେ ପାଣିକୋଇଲିକୁ ଏକ ନୃତ୍ୟ କାର୍ଯ୍ୟକ୍ରମକୁ ଯୋଗ ଦେବାକୁ ଯାଉଥିବା ବେଳେ ଗାଡିଟି ଭାରସାମ୍ୟ ହରାଇ ରାସ୍ତା ଉପରେ ପାଲଟି ଯାଇଥିଲା। ଘଟଣା ସ୍ଥଳରେ ଟାଉନ ଥାନା ଅଧିନ ବାଣପୁର ଗ୍ରାମର ରବିନ୍ଦ୍ର ଜେନାଙ୍କ ଝିଅ ଉର୍ମିଳା ଜେନା(୧୮)ଙ୍କ ମୃତ୍ୟୁ ହୋଇଛି। ଅନ୍ୟପଟେ ଚଷାଖଣ୍ଡ ଅଞ୍ଚଳର ସାଗରିକା ପ୍ରଧାନ, ଭଦ୍ରକର ଦୀପକ ନାୟକ, ଯାଜପୁର ଟାଉନ ଅଞ୍ଚଳର ମଧୁଲିକା ସାହୁ(୪୦) ଓ ତାଙ୍କ ଝିଅ ମୀନରବା ସାହୁ ଆହତ ହୋଇଛନ୍ତି। ଖବର ପାଇ ଟାଉନ ଥାନା ପହଞ୍ଚି ତଦନ୍ତ ଆରମ୍ଭ କରିଛନ୍ତି।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
