ଯାଜପୁର: ରାଜ୍ୟ ବିଧାନସଭାର 52 ନମ୍ବର ନିର୍ବାଚନ ମଣ୍ଡଳୀ ଯାଜପୁର। ବିଧାୟକ ପ୍ରଣବ ପ୍ରକାଶ ଦାଶଙ୍କ ନିର୍ବାଚନ ମଣ୍ଡଳୀ। ଚଳିତ ନିର୍ବାଚନରେ ବିଜେପିରୁ ଏହି ଆସନରୁ ପ୍ରତିଦ୍ବନ୍ଦିତା କରୁଛନ୍ତି ଗୌତମ ରାୟ । ଏଥର ଜନତା ତାଙ୍କ ସପକ୍ଷରେ ଥିବା ଦାବି କରିଛନ୍ତି ଗୌତମ।
ତାଙ୍କ କହିବା କଥା ହେଲା, ଜିଲ୍ଲାରେ ହୋଇଥିବା ଡାଲି,ବାଲି ଓ ଖଣି ଦୁର୍ନିତିରେ ଶାସକ ଦଳର ବିଧାୟକଙ୍କ ସମ୍ପୃକ୍ତି ରହିଛି । ସରକାରଙ୍କ ହଜାର ହଜାର ଟଙ୍କାର ରାଜସ୍ବ ଏମାନେ କ୍ଷତି କରିଥିବା ସେ ଅଭିଯୋଗ କରିଛନ୍ତି । ଯାଜପୁରରେ ସ୍କୁଲ ଅଛି ଶିକ୍ଷକ ନାହାନ୍ତି । ଡାକ୍ତରଖାନା ଅଛି, ଡାକ୍ତର ନାହାଁନ୍ତି । 14ଟି କାଳକରଖାନା ଅଛି, ହେଲେ ସ୍ଥାନୀୟ ଲୋକଙ୍କୁ ନିଯୁକ୍ତି ମିଳୁନି । ରାଜ୍ୟରେ 19ବର୍ଷ ହେଲା ବିଜେଡି ସରକାରରେ ଥିଲେବି ଯାଜପୁରରେ କୌଣସି ବିକାଶ ହୋଇ ନାହିଁ । ଜିଲ୍ଲାରେ ଆଇନ ଶୃଙ୍ଖଳା ବିପର୍ଯ୍ୟସ୍ତ । ସରକାରୀ ଅଫିସରଙ୍କ ଠାରୁ ଆରମ୍ଭ କରି ବଡ଼ବଡ଼ ରାଜନେତାମାନେ ସରକାରୀ ଯୋଜନାକୁ ହରିଲୁଟ କରିଥିବା ସେ କହିଛନ୍ତି । ଯେଉଁଥିପାଇଁ ଜନତା ଏଥର ବିଜେଡି ନୁହେଁ ବିଜେପିକୁ ଭୋଟ ଦେବେ ବୋଲି କହିଛନ୍ତି ଗୌତମ ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
