ଯାଜପୁର: ଜିଏସଟି ଏନଫୋର୍ସମେଣ୍ଟ ପକ୍ଷରୁ ଚଢାଉ । ଯାଜପୁର ଜିଲ୍ଲା ବରୁଣେଇ ନିକଟରେ ଏକ ଫର୍ଣ୍ଣିଚର ବୋଝେଇ ଟ୍ରକ ଉପରେ ଚଢାଉ କରିଛି ଜିଏସଟି ଏନଫୋର୍ସମେଣ୍ଟ । ଚାଳକଠାରୁ ୮୬୪୦୦ ଟଙ୍କା ଜୋରିମାନା ଆଦାୟ ହୋଇଛି ।
୮୬୪୦୦ ଟଙ୍କା ଜରିମାନା
ସୂଚନାଅନୁସାରେ, ଆଜି (ବୁଧବାର) ସକାଳୁ କୋଲକାତାରୁ ଏକ ଟ୍ରକ ଯୋଗେ ଫର୍ଣ୍ଣିଚର ଆସୁଥିଲା । ଯାହାର ଜିଏସଟି କାଗଜପତ୍ର ଠିକ ନଥିବା ନେଇ ବିଶେଷ ସୁତ୍ରରୁ ଖବର ପାଇଥିଲା ଜିଏସଟି ଏନଫୋର୍ସମେଣ୍ଟ । ଖବରକୁ ଆଧାର କରି ଜିଏସଟି ଏନଫୋର୍ସମେଣ୍ଟ ବିଭଗର ଡେପୁଟି କମିଶନର ଲିଙ୍ଗରାଜ ପ୍ରଧାନ ତାଙ୍କ ଟିମ ସହିତ ବରୁଣ୍ଡେଇ ନିକଟରେ ଗାଡି ଉପରେ ଚଢାଉ କରିଥିଲା ।
ଫର୍ଣ୍ଣିଚରର ଜିଏସଟି କାଗଜ ପତ୍ର ଡ୍ରାଇଭରକୁ ମାଗିଥିଲେ କମିଶନର । ମାତ୍ର ଚାଳକ ସଠିକ କାଗଜପତ୍ର ଦେଖାଇ ପାରି ନ ଥିଲେ । ବିଭାଗୀୟ ଅଧିକାରୀମାନେ ଗାଡି ଚାଳଙ୍କଠାରୁ ୮୬୪୦୦ ଟଙ୍କା ଜୋରିମାନା ଆଦାୟ କରିଥିବା ସୂଚନା ଦେଇଛନ୍ତି ଡେପୁଟି କମିଶନର ଲିଙ୍ଗରାଜ ପ୍ରଧାନ ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
