ଯାଜପୁର: ପୌରପାଳିକା ବିଜୁ ଯୁବ ବାହିନୀ ପକ୍ଷରୁ ସଡକ ସୁରକ୍ଷା କାର୍ଯ୍ୟକ୍ରମ “ରକ୍ଷକ” ଅନୁଷ୍ଠିତ ହୋଇଯାଇଛି । ଜମରାଜ ଓ ଚିତ୍ରଗୁପ୍ତ ବେଶରେ ରାସ୍ତାରେ ଯାଉଥିବା ମୋଟର ସାଇକେଲ ଚାଳକଙ୍କୁ ହେଲମେଟ ପିନ୍ଧିବା ଏବଂ କାର ଚାଳକ ମାନଙ୍କୁ ସିଟ୍ ବେଲ୍ଟ ପିନ୍ଧିବା ପାଇଁ ପରାମର୍ଶ ଦେଇଥିଲେ ।
ସଡକ ସୁରକ୍ଷା ନିୟମ ଶିଖାଇଲେ ଯମରାଜ ଓ ଚିତ୍ରଗୁପ୍ତ
ଏହାକୁ ଯାଜପୁର ଜିଲ୍ଲା କ୍ରୀଡା ଅଧିକାରୀ ଫକୀର ମୋହନ ଟୁଡୁ ପତାକା ଦେଖାଇ ଏହାକୁ ଶୁଭାରମ୍ଭ କରିଥିଲେ । ଯାଜପୁର ଗୌତମବୁଦ୍ଧ ସଂସ୍କୃତି ଭବନ ପରିସରରୁ ଏକ ସଚେତନତା ଶୋଭାଯାତ୍ରା ବାହାରି ସହର ପରିକ୍ରମା କରିଥିଲା । ଏହାସହ ନିୟମ ମାନୁଥିବା ଚାଳକଙ୍କୁ ଗୋଲାପ ଫୁଲ ଓ ଚକୋଲେଟ ଦେଇ ସ୍ବାଗତ କରାଯାଇଥିଲା । ଏଥିରେ ବିଜୁ ଯୁବ ବାହିନୀର ସଦସ୍ୟ ଏବଂ ବିଭିନ୍ନ ସ୍କୁଲ କଲେଜର ଛାତ୍ରଛାତ୍ରୀ ସାମିଲ ହୋଇଥିଲେ ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
