ଯାଜପୁର: ପାଣିକୋଇଲି ଠାରେ ବରିଷ୍ଠ ନାଗରିକ ମଞ୍ଚର ପ୍ରଥମ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି । ଏହି ଅବସରରେ ବରିଷ୍ଠ ନାଗରିକ ମଞ୍ଚର ସ୍ମରଣିକା ଉନ୍ମୋଚନ କରାଯାଇଛି । ବରିଷ୍ଠ ନାଗରିକମାନେ କୋରେଇ ଅଞ୍ଚଳରେ ଏକ ଜରାଶ୍ରମ ଖୋଲିବା ପାଇଁ ଉଭୟ ସାଂସଦ ଓ ବିଧାୟକଙ୍କ ନିକଟରେ ଦାବି ଜଣାଇଛନ୍ତି ।
ବରିଷ୍ଠ ନାଗରିକ ମଞ୍ଚର ପ୍ରଥମ ବାର୍ଷିକ ଉତ୍ସବରେ ମୁଖ୍ୟ ଅତିଥି ଯାଜପୁର ଲୋକସଭା ସାଂସଦ ଶର୍ମିଷ୍ଠା ସେଠୀ ,ସମ୍ମାନୀତ ଅତିଥି କୋରେଇ ବିଧାୟକ ଅଶୋକ ବଳ, ଯାଜପୁର ଏସ ପି ଚରଣ ସିଂ ମିନା ଓ ଉପଜିଲ୍ଲାପାଳ ନାରାୟଣ ଚନ୍ଦ୍ର ଧଳ ପ୍ରମୁଖ ଯୋଗଦେଇଛନ୍ତି । ସଭା ଆରମ୍ଭରେ ସ୍ଥାନୀୟ ସରସ୍ବତୀ ଶିଶୁ ମନ୍ଦିର ପରିସରରେ ବୃକ୍ଷରୋପଣ କରାଯାଇଥିଲା । ଏହି ପ୍ରଥମ ବାର୍ଷିକ ଉତ୍ସବରେ ବରିଷ୍ଠ ନାଗରିକ ମାନଙ୍କର ସୁବିଧା ଅସୁବିଧା ଓ ଅନ୍ୟାନ୍ୟ ଦିଗ ଉପରେ ଆଲୋଚନା କରାଯାଇଛି ।
ବରିଷ୍ଠ ନାଗରିକମାନେ କୋରାଇ ଅଞ୍ଚଳରେ ଏକ ଜରାଶ୍ରମ ଖୋଲିବା ପାଇଁ ସାଂସଦ ଓ ବିଧାୟକଙ୍କ ନିକଟରେ ଦାବି ଜଣାଇଛନ୍ତି । କେନ୍ଦ୍ର ସାହିତ୍ୟ ଏକାଡେମି ପୁରସ୍କାର ପାଇଥିବା କବି ପଣ୍ଡିତ ସୁର୍ଯ୍ୟମଣି ଖୁଣ୍ଟିଆଙ୍କ ସମ୍ମାନିତ କରାଯାଇଛି । ଏହି କାର୍ଯ୍ୟକ୍ରମରେ ଜିଲ୍ଲାର ବିଭିନ୍ନ ସ୍ଥାନରୁ ବରିଷ୍ଠ ନାଗରିକ ଯୋଗ ଦେଇଛନ୍ତି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
