ଯାଜପୁର: ଶନିବାର ବିଳମ୍ବିତ ରାତିରେ ଯାଜପୁର ଜିଲ୍ଲା ଦାନଗଦୀ ବ୍ଲକ୍ ଯଖପୁରା ଗାଁରେ ଆକସ୍ମିକ ଅଗ୍ନିକାଣ୍ଡ ଘଟି 3ଟି ପରିବାରର 5 ବଖରା ଘର ଭସ୍ମୀଭୂତ ହୋଇଯାଇଛି । ଏହି ଅଗ୍ନିକାଣ୍ଡରେ ଘର ସହିତ ଗୋରୁ ଗୁହାଳ ମଧ୍ୟ ସମ୍ପୂର୍ଣ୍ଣ ଜଳିଯାଇଛି ।
ଯଖପୁରା ଗାଁରେ ଅଗ୍ନିକାଣ୍ଡ, 3ଟି ପରିବାରର 5 ବଖରା ଘର ଭସ୍ମିଭୂତ
ସୂଚନା ମୁତାବକ ହରିଶ୍ଚନ୍ଦ୍ର ବ୍ରହ୍ମ, ସହଦେବ ବ୍ରହ୍ମ ଓ ବିଷ୍ଣୁ ପ୍ରସାଦ ପାଲଟାସିଂ ନାମକ ତିନି ଜଣ ବ୍ୟକ୍ତିଙ୍କର 3ଟି ପରିବାରର 5 ବଖରା ଘର ପୋଡିଯାଇଛି । ଗ୍ରାମବାସୀ ଏବଂ ଦମକଳ ବାହିନୀର ମିଳିତ ସହଯୋଗରେ ନିଆଁକୁ ଆୟତ୍ତ କରାଯାଇଥିଲେ ହେଁ ଘରର ସମସ୍ତ ଆସବାବପତ୍ର ଓ ଧାନ ଚାଉଳ ସବୁ ପୋଡି ପାଉଁଶ ହୋଇଯାଇଛି ।
ବିପନ୍ନ ପରିବାରଙ୍କୁ ସମସ୍ତ ପ୍ରକାର ସରକାରୀ ସହାୟତା ଯୋଗାଇ ଦେବାକୁ ଆପତ୍ତି ଜଣାଇଛନ୍ତି କ୍ଷତିଗ୍ରସ୍ତ ପରିବାର । ସେପଟେ ଗତକାଲି କଳିଙ୍ଗନଗର ଶିଳ୍ପାଞ୍ଚଳର ଜିନ୍ଦଲ୍ ଷ୍ଟେନଲେସ କାରଖାନା ପକ୍ଷରୁ ଉକ୍ତ ପରିବାର ସଦସ୍ୟ ମାନଙ୍କୁ ରନ୍ଧା ଖାଦ୍ୟ ଯୋଗାଇ ଦିଆଯାଇଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
