ଯାଜପୁର: ପଞ୍ଚାୟତ ନିର୍ବାଚନ ପାଇଁ ପ୍ରକ୍ରିୟା ଆରମ୍ଭ ପରେ ସରଗରମ ହେଉଛି ରାଜନୈତିକ ମହଲ । ପୌର ନିର୍ବାଚନ ପାଇଁ ରାଜ୍ୟ ସରକାରଙ୍କ ପକ୍ଷରୁ ୱାର୍ଡ ସଂରକ୍ଷଣ କାର୍ଯ୍ୟ ଶେଷ ହେଇଛି। ଆଉ ଏହାକୁ ନେଇ କୁହୁଳିବାରେ ଲାଗିଛି ଅସନ୍ତୋଷ । ତେବେ ୱାର୍ଡ ସଂରକ୍ଷଣ ତୃଟି ଥିବା ନେଇ ମାଳମାଳ ଅଭିଯୋଗ ଆସିଛି । ବ୍ୟାସନଗର ପୌରପରିଷଦର ବିଭିନ୍ନ ୱାର୍ଡର ସଂରକ୍ଷଣକୁ ନେଇ ଓ୍ବାର୍ଡବାସୀଙ୍କ ମଧ୍ୟରେ ଜନଅସନ୍ତୋଷ ଦେଖାଦେଇଛି ।
ତେବେ ସମ୍ପୃକ୍ତ ୱାର୍ଡକୁ ତହସିଲ ଭୁକ୍ତ ଜାତି ଓ ଜନଜାତି ପାଇଁ ଅତିରିକ୍ତ ଜିଲ୍ଲାପାଳ ସନ୍ତୋଷ କୁମାର ମିଶ୍ରଙ୍କ ନିକଟରେ ଦାବି କରିଛନ୍ତି । ସ୍ଥାନୀୟବାସିନ୍ଦାଙ୍କ କହିବା ଅନୁଯାୟୀ ୩ଟି ହରିଜନ ଓ ୩ଟି ଆଦିବାସୀଙ୍କ ପାଇଁ ସଂରକ୍ଷଣ ହୋଇଛି ।
ପୋୖର ପରିଷଦର ଗଠନ ହେବା ଠାରୁ ଆଜି ପର୍ଯ୍ୟନ୍ତ ଓ୍ବାର୍ଡ ନମ୍ବର ୨,୧୯,୨୩ ଏହି ୩ଟି ୱାର୍ଡକୁ ତଫସିଲ ଭୁକ୍ତ ଜାତି ଓ ଜନଜାତି ପାଇଁ ଆଦ୍ୟାବଦ୍ଧି ସଂରକ୍ଷଣ କରାଯାଇନାହିଁ । ଏହି ୱାର୍ଡକୁ ସଂରକ୍ଷିତ କରିବା ପାଇଁ ୱାର୍ଡ ନମ୍ବର ୧,୨,୪,୭,୨୦ ଓ ୨୧ ନମ୍ବର ଅଧିବାସୀ କଳିଙ୍ଗନଗର ଅତିରିକ୍ତ ଜିଲ୍ଲାପାଳ ସନ୍ତୋଷ କୁମାର ମିଶ୍ରଙ୍କ ନିକଟରେ ଲିଖିତ ଅଭିଯୋଗ କରିଛନ୍ତି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
