ଯାଜପୁର: ସୁକିନ୍ଦା ଥାନା ଅନ୍ତର୍ଗତ ଢୋଲପଥର ଡ୍ୟାମରୁ ଯୁବକଙ୍କ ମୃତଦେହ ଉଦ୍ଧାର ହୋଇଛି । ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇଛି । ମୃତକ ହେଉଛନ୍ତି ଟମକା ଥାନା ଅନ୍ତର୍ଗତ କିଆଝର ଗାଁର ମକୁର ମୁଣ୍ଡାଙ୍କ ପୁଅ ବାବୁଲି ମୁଣ୍ଡା ।
ଡ୍ୟାମରୁ ଯୁବକଙ୍କ ମୃତଦେହ ଉଦ୍ଧାର, ମୃତ୍ୟୁର କାରଣ ଅସ୍ପଷ୍ଟ
ସୂଚନା ଅନୁସାରେ ବାବୁଲି ସୁକିନ୍ଦା ସଂସାଇଲୋ ଗ୍ରାମରେ ଥିବା ତାଙ୍କ ସମ୍ପର୍କୀୟଙ୍କ ଘରକୁ ଶୁଦ୍ଧିକ୍ରିୟା କାର୍ଯ୍ୟରେ ଯୋଗଦେବା ପାଇଁ ୩ ଦିନ ପୂର୍ବରୁ ଆସିଥିଲେ । ଆଉ ଘରକୁ ଫେରି ନଥିବା ବେଳେ ସେବେଠାରୁ ନିଖୋଜ ଥିଲେ ବାବୁଲି । ଆଜି ସକାଳୁ ସ୍ଥାନୀୟ ଲୋକେ ଢୋଲପଥର ଡ୍ୟାମ ନିକଟକୁ ଶୌଚ ହେବା ପାଇଁ ଯାଇଥିବା ବେଳେ ଡ୍ୟାମ ମଧ୍ୟରେ ଏକ ମୃତଦେହ ଭାସୁଥିବା ଦେଖି ପୋଲିସକୁ ଖବର ଦେଇଥିଲେ । ତେବେ ମୃତ୍ୟୁର କାରଣ ଅସ୍ପଷ୍ଟ ଥିବାବେଳେ ସୁକିନ୍ଦା ପୋଲିସ ଘଟଣାର ତଦନ୍ତ ଜାରି ରଖିଛି ।
ଇଟିଭି ଭାରତ, ଯାଜପୁର
