ଯାଜପୁର: ଦେଶରେ ଆତଙ୍କ ଖେଳାଇଛି ମହାମାରୀ କୋରୋନା ଭାଇରସ । କୋରୋନାକୁ ପ୍ରତିହତ କରିବା ପାଇଁ ସାରା ଦେଶରେ ଲକଡାଉନ ଘୋଷଣା ହୋଇଛି । ଲକଡାଉନ ଯୋଗୁ ରାଜ୍ୟରେ ବି ବନ୍ଦ ରହିଛି ସମସ୍ତ ଦୋକାନ ବଜାର ଓ ଗାଡିମଟର । ଏପରିସ୍ଥିତିରେ ନିରୀହ ପାତିମାଙ୍କଡଙ୍କ ପାଇଁ ଖାଦ୍ୟ ଯୋଗାଇବାକୁ ଅଣ୍ଟା ଭିଡିଛନ୍ତି ଯାଜପୁର ଜାରକାର ଯୁବ ସମାଜସେବୀ ହିମାଂଶୁ ଶେଖର ସାହୁ ।
ଭୋକିଲା ମାଙ୍କଡଙ୍କ ପାଇଁ ଦେବଦୂତ ସାଜିଲେ ସମାଜସେବୀ
ହିମାଂଶୁ ଗୁରୁବାର ସକାଳେ ଚଣ୍ଡିଖୋଲର ପ୍ରସିଦ୍ଧ ଚଣ୍ଡିମନ୍ଦିର ପରିସରରେ ନିଜର କିଛି ସହଯୋଗୀଙ୍କୁ ଧରି ପହଞ୍ଚିଥିଲେ । ଶହ ଶହ ଭୋକିଲା ପାତିମାଙ୍କଡଙ୍କୁ ତରୁଭୂଜ, କଦଳୀ ଓ ବିସ୍କୁଟ ବାଣ୍ଟିଥିଲେ ସେ । ଭୋକରେ ଆଉଟୁ ପାଉଟୁ ହେଉଥିବା ଏହି ପାତିମାଙ୍କଡମାନେ ଆହାର ପାଇଁ ସତେ ଯେମିତି ନେହୁରା ହେବା ଭଳି ଭଙ୍ଗୀରେ ରଡି କରୁଥିବାର ଦେଖିବାକୁ ମିଳିଥିଲା । ତେବେ ଏପରି ଅସମୟରେ ଏହି ମାଙ୍କଡ ଓ ରାସ୍ତାରେ ବୁଲୁଥିବା ପଶୁଙ୍କୁ ସବୁଦିନ ଖାଦ୍ୟ ଯୋଗାଇ ଦେବେ ବୋଲି କହିଛନ୍ତି ହିମାଂଶୁ ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
