ଯାଜପୁର: ବରୀରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରୋଡ ସୋ । ବରୀ ନିର୍ବାଚନ ମଣ୍ଡଳୀର ସନ୍ଥନ ଠାରେ ଏକ ନିର୍ବାଚନୀ ସମାବେଶରେ ଯୋଗଦେବା ପରେ ନିର୍ବାଚନୀ ପ୍ରଚାର ବସରେ ରୋଡ ସୋ ରେ ବାହାରି ଥିଲେ । ଏହି ଅବସରରେ ବିଭିନ୍ନ ସ୍ଥାନରେ ଦଳୀୟ କର୍ମୀ ଓ ନେତାଙ୍କ ଦ୍ବାରା ନବୀନଙ୍କୁ ସ୍ବାଗତ ଅଭିନନ୍ଦନ ଜଣାଯାଇଥିଲା।
ଭିଡିଓ ସୌଜନ୍ୟ: ସମ୍ବାଦଦାତା,ଯାଜପୁର
ମୁଖ୍ୟମନ୍ତ୍ରୀ ବରୁହାଁ, ହରିପୁର, କୁଆଖିଆ, ଜାରକା, ଚଣ୍ଡିଖୋଲ, ବଡଚଣା, ଛତିଆ ଦେଇ ନେଳିଆ ପାଖରେ ପହଞ୍ଚିଥିଲେ । ସେଠାରୁ ସେ ସଡକ ପଥରେ ଆଜି ରାତିରେ ଭୁବନେଶ୍ବର ପ୍ରତ୍ୟାବର୍ତ୍ତନ କରିବେ । ଦଳୀୟ ଲୋକସଭା ଓ ବିଧାନସଭା ପ୍ରାର୍ଥୀଙ୍କ ସମେତ ହଜାର ହଜାର ସଂଖ୍ୟାରେ ବିଜେଡି କର୍ମୀ ଓ ଜନସାଧାରଣ ଏହି ରୋଡ ସୋ ରେ ସାମିଲ ହୋଇଥିଲେ ।
ଯାଜପୁରରୁ ଜ୍ଞାନ ରଞ୍ଜନ ଓଝା,ଇଟିଭି ଭାରତ
