ଯାଜପୁର: ପାଣିକୋଇଲି ଥାନା ରାଧାନଗର ପାଟଣା ଗାଁରେ ଜମିବାଡିକୁ ନେଇ ଦୁଇ ପରିବାର ମଧ୍ୟରେ ଗଣ୍ଡଗୋଳ । ଏଥିରେ 3 ଜଣ ଆହତ ହୋଇ ଥିବାବେଳେ ଜଣେ ଗୁରୁତର ହୋଇଛନ୍ତି ।
ଜମିବାଡି ବିବାଦକୁ ନେଇ 2 ପରିବାର ମଧ୍ୟରେ ଗଣ୍ଡଗୋଳ: 3 ଆହତ, ଜଣେ ଗୁରୁତର
ସୂଚନା ଅନୁଯାୟୀ, ରାଧାନଗର ପାଟଣା ଗାଁରେ ବିଷ୍ଣୁ ସାହୁ ଓ ଭୀମ ସାହୁଙ୍କ ପରିବାର ମଧ୍ୟରେ ପୂର୍ବରୁ ଏକ ଜମିବାଡିକୁ ନେଇ ବିବାଦ ଲାଗି ରହିଥିଲା । ଗତକାଲି(ଗୁରୁବାର) ସନ୍ଧ୍ୟାରେ ଏହାକୁ ନେଇ ଦୁଇ ପରିବାର ମଧ୍ୟରେ ଗଣ୍ଡଗୋଳ ହୋଇଥିଲା । ଗଣ୍ଡଗୋଳରେ ବିଷ୍ଣୁ ସାହୁ ଓ ତାଙ୍କୁ ପତ୍ନୀ ଗୁରୁତର ଆହାତ ହେଇ ଥିବାବେଳେ ଭୀମ ସାହୁ ଏବଂ ତାଙ୍କ ପତ୍ନୀ ମଧ୍ୟ ଆହତ ହୋଇଛନ୍ତି ।
ତେବେ ବିଷ୍ଣୁ ଓ ତାଙ୍କ ପତ୍ନୀ ଅଧିକ ଗୁରୁତର ହେବାରୁ ସ୍ଥାନୀୟ ଲୋକେ ତାଙ୍କୁ ଯାଜପୁର ରୋଡ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଛନ୍ତି । ସେଠାରେ ବିଷ୍ଣୁଙ୍କୁ ଡାକ୍ତରଯାଜପୁର ଟାଉନ ଚିକିତ୍ସାଳୟକୁ ସ୍ଥାନାନ୍ତର କରିଥିବା ସୂଚନା ମିଳିଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
