ଯାଜପୁର: କୋରେଇ ଥାନା ୨୦ନମ୍ବର ଜାତୀୟ ରାଜପଥ ନୂଆଗଡ଼ ବାଇପାସ ନିକଟରେ ବ୍ୟାସନଗର ତହସିଲ ପକ୍ଷରୁ ଚଢ଼ାଉ । ତହସିଲଦାର ଶରତ ଚନ୍ଦ୍ର ମହାପାତ୍ରଙ୍କ ନିର୍ଦେଶ କ୍ରମେ ଅତିରିକ୍ତ ତହସିଲଦାର ବିକ୍ରମ କୁମାର ମଲ୍ଲିକଙ୍କ ନେତୃତ୍ବରେ ଏହି ଚଢ଼ାଉ କରାଯାଇ ୭ଟି ବାଲି ଗାଡି ଜବତ କରାଯାଇଛି । ଚଢ଼ାଉ ସମୟରେ ଗାଡିର କାଗଜପତ୍ର ତହସିଲ ପକ୍ଷରୁ ଯାଞ୍ଚ ପାଇଁ ମଗା ଯାଇଥିଲା ।
ମାତ୍ର ଗାଡି ଡ୍ରାଇଭର କୌଣସି କାଗଜପତ୍ର ଦେଖାଇ ନପାରିବାରୁ ଗାଡ଼ିଗୁଡିକୁ ଜବତ କରି ଯାଜପୁର ରୋଡ ଥାନାରେ ଜିମା ଦେଇଥିଲା ତହସିଲ ପ୍ରଶାସନ । ତେବେ ଏନେଇ ପାଖପାଖି ୩ ଲକ୍ଷ ଟଙ୍କା ଫାଇନ ଆଦାୟ କରାଯିବ ବୋଲି ତହସିଲ ପ୍ରଶାସନ ପକ୍ଷରୁ ସୂଚନା ମିଳିଛି।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ