ଯାଜପୁର: ବଡ ଧରଣର ଦୁର୍ଘଟଣାରୁ ଅଳ୍ପକେ ବର୍ତ୍ତିଲେ ଭଦ୍ରକ ବିଧାୟକଙ୍କ ସଞ୍ଜୀବ ମଲ୍ଲିକ । ଆହତ ଅବସ୍ଥାରେ ତାଙ୍କୁ ଉଦ୍ଧାର କରାଯାଇ ଧର୍ମଶାଳା ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରାଯାଇଛି । ସେଠାରେ ତାଙ୍କୁ ପ୍ରାଥମିକ ଚିକିତ୍ସା କରାଯାଇଛି । ପରେ ବିଧାୟକ ଭୁବନେଶ୍ୱର ଅଭିମୁଖେ ଯାତ୍ରା କରିଛନ୍ତି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ଦୁର୍ଘଟଣାରୁ ଅଳ୍ପକେ ବର୍ତ୍ତିଲେ ଭଦ୍ରକ ବିଧାୟକ
ସୂଚନା ଅନୁସାରେ, ଭଦ୍ରକ ବିଧାୟକଙ୍କ ସଞ୍ଜୀବ ମଲ୍ଲିକ କୌଣସି ଏକ କାମରେ ଭଦ୍ରକରୁ ଭୁବନେଶ୍ୱର ଅଭିମୁଖେ ନିଜ ଗାଡିରେ ଯାଉଥିଲେ । ଏହି ସମୟରେ ଧର୍ମଶାଳା ଥାନା ରଥିଆ ଛକ ନିକଟରେ ତାଙ୍କ ଗାଡ଼ିକୁ ଏକ ଟ୍ରକ ଧକ୍କା ଦେଇଥିଲା । ଫଳରେ ସେ ଆହତ ହୋଇ ପଡିଥିଲେ । ଏହାସହ ଗାଡିଟି ଭାଙ୍ଗିରୁଜି ଯାଇଥିଲା । ସେପଟେ, ଦୁର୍ଘଟଣାର ଖବର ପାଇ ଧର୍ମଶାଳା ବିଧାୟକ ପ୍ରଣବ ବଳବନ୍ତ ରାୟ ମେଡ଼ିକାଲ ଯାଇ ବିଧାୟକଙ୍କୁ ଭେଟିଛନ୍ତି ।
ଯାଜପୁରରୁ ଜ୍ଞାନ ରଞ୍ଜନ ଓଝା,ଇଟିଭି ଭାରତ
