ଯାଜପୁର: ପୂର୍ବ ଶତ୍ରୁତାରୁ ତୁମୁଳ କାଣ୍ଡ । ଘରେ ପଶି ଯୁବକଙ୍କ ପରିବାର ଉପରେ ସଙ୍ଘବଦ୍ଧ ଆକ୍ରମଣ । ଏଭଳି ଘଟଣା ଘଟିଛି ଜିଲ୍ଲାର ଅଣ୍ଟିଆ ଗାଁରେ । ଅଭିଯୋଗର ୩ଦିନ ପରେବି କୌଣସି କାର୍ଯ୍ୟନୁଷ୍ଠାନ ଗ୍ରହଣ କରାନଯିବାରୁ ପାଣିକୋଇଲି ସ୍ଥିତ ଏସପିଙ୍କ ଦ୍ୱାରସ୍ଥ ହେଲେ ଜୈନିକ ପରିବାର ।
ମିଳିଥିବା ସୂଚନା ଅନୁଯାୟୀ ଗତ ୧୪ ତାରିଖ ଦିନ ଗ୍ରାମର ପ୍ରଶାନ୍ତ ନିଜର କାମ ସାରି ଘରକୁ ଫେରିଥିବା ବେଳେ ସେହି ଗାଁରେ ବଳିଆ ଜେନା ତାଙ୍କୁ କମେଣ୍ଟ ମାରିଥିଲେ। ଏହାକୁ ନେଇ ଦୁଇଜଣଙ୍କ ମଧ୍ୟରେ ପାଟିତୁଣ୍ଡ ଆରମ୍ଭ ହୋଇଥିଲା । ଏଥିରେ ବଳିଆ ରାଗି ଯାଇ ତାଙ୍କର କିଛି ସାଥୀଙ୍କ ସହ ମାରଣାସ୍ତ୍ର ଧରି ପ୍ରଶାନ୍ତଙ୍କ ଘରେ ସଙ୍ଘବଦ୍ଧ ଆକ୍ରମଣ କରିଥିଲେ । ଏଥିରେ ପ୍ରଶାନ୍ତ ସହିତ ତାଙ୍କ ଭଉଣୀ,ମା ଓ ଭାଉଜ ଆହତ ହୋଇଥିଲେ ।
ଏନେଇ ପ୍ରଶାନ୍ତଙ୍କ ଉଭଣୀ ମାମିନା ଜେନାପୁର ଥାନାରେ ଅଭିଯୋଗ କରିଥିଲେ। ମାତ୍ର ଏହି ଘଟଣାକୁ ୩ ଦିନ ବିତିଗଲା ପରେବି ପୋଲିସ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ନନେବା ଫଳରେ ଆଜି ପାଣିକୋଇଲି ସ୍ଥିତ ଏସପି ରାହୁଲ ପିଆରଙ୍କ ନିକଟରେ ଅଭିଯୋଗ କରିଥିବା ଜଣାପଡିଛି । ସେପଟେ ଏସପି ରାହୁଲ ପିଆର ମାମିନାଙ୍କ ପରିବାର କଥା ଶୁଣିବା ପରେ ଜେନାପୁର ଥାନା ଅଧିକାରୀଙ୍କୁ ସଠିକ ତଦନ୍ତ କରିବାକୁ ନିର୍ଦ୍ଦେଶ ଦେଇଥିବା ଜଣାପଡିଛି।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
