ଯାଜପୁର: ଜିଲ୍ଲାର ସୁକିନ୍ଦା କାଳିଆପାଣି ସ୍ଥିତ ଇମ୍ଫା ଖଣିରେ ଦୁର୍ଘଟଣା ଘଟିଛି । ଖଣି ମଧ୍ୟରେ ଥିବା କ୍ରସରରେ ରବିବାର ରାତିରେ ଦୁର୍ଘଟଣା ଘଟିଥିବା ବେଳେ ଜଣେ ଶ୍ରମିକଙ୍କ ମୃତ୍ୟୁ ଘଟିଥିବା ବେଳେ ଆଉ ଜଣେ ଗୁରୁତର ଆହତ ହୋଇଥିବା ଜଣାପଡିଛି ।
ସୁକିନ୍ଦା ଇମ୍ଫାଖଣିରେ କ୍ରସର ଦୁର୍ଘଟଣା; ଜଣେ ମୃତ, ଜଣେ ଆହତ
ଦୁର୍ଘଟଣା ଘଟିବା ପରେ ଘଟଣା ସ୍ଥଳରେ ଉତ୍ତେଜନା ଲାଗିରହିଥିଲା । ଏହି ସମ୍ପର୍କରେ ଖବର ପାଇବା ପରେ କାଳିଆପାଣି ଥାନା କର୍ମଚାରୀ ଘଟଣାସ୍ଥଳରେ ପହଞ୍ଚିଲେ । ସେ ଘଟଣାର ତଦନ୍ତ ଜାରି ରଖିବା ସହିତ ଶାନ୍ତି ଶୃଙ୍ଖଳା ବଜାୟ ରଖିବା ପାଇଁ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ । ଆହତ ବ୍ୟକ୍ତିଙ୍କୁ ଚିକିତ୍ସା ପାଇଁ ସ୍ଥାନୀୟ ସ୍ବାସ୍ଥ୍ୟକେନ୍ଦ୍ରକୁ ପଠାଯାଇଥିବା ସୂଚନା ମିଳିଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
