ଯାଜପୁର : ଯାଜପୁର ରୋଡ ଡାକ୍ତରଖାନାରେ ଜଣେ ଆଦିବାସୀ ମହିଳାଙ୍କ ମୃତ୍ୟୁ ଘଟିଥିବାବେଳେ ଖବର ପାଇ ସହିଦ ଭଗତ ସିଂ ଯୁବକ ସଂଘ ଏବଂ ବ୍ୟାସସେନା ଯୁବକ ସଂଘ ମିଳିତ ସହଯୋଗରେ ଏକ ଅସହାୟ ମହିଳାଙ୍କ ଅନ୍ତିମ ସତ୍କାର କରିଛନ୍ତି । ପ୍ରକାଶ ଯୋଗ୍ୟ ସ୍ୱପ୍ନା ବିରୁହାଁ ନାମକ ଏକ ମହିଳାଙ୍କ ଶବ ସତ୍କାର କଲେ ଏହି ସଂଗଠନର ସଦସ୍ୟମାନେ । ଏହି ମହିଳା ଜଣକ ଧବଳଗିରିସ୍ଥିତ ଏକ ବସ୍ତିରେ ରହି ଆସୁଥିଲେ । ତାଙ୍କର ପରିବାର କହିଲେ ୧୨ବର୍ଷର ଏକ ପୁତ୍ର ସନ୍ତାନ ଏବଂ ସେ ବ୍ୟାସନଗର ପୌରପାଳିକାରେ ଝାଡୁଦାର ଭାବେ କାର୍ଯ୍ୟ କରୁଥିଲେ ।
ଗତ କିଛିଦିନ ସ୍ୱପ୍ନାଙ୍କ ଦେହ ଖରାପ ଥିଲା । ଚିକିତ୍ସା ପାଇଁ ଯାଜପୁର ରୋଡ ଡାକ୍ତରଖାନାକୁ ଆସି ସେଠାରେ ଚିକିତ୍ସିତ ହେଉଥିଲେ । ମାତ୍ର ତାଙ୍କୁ ସହଯୋଗ କରିବାକୁ ପାଖରେ କେହିବି ନଥିଲେ । ଏହି ଖବର ପାଇ ବ୍ୟାସସେନାର କିଛି ଯୁବକ ସହଯୋଗ ପାଇଁ ଆଗେଇ ଆସିଥିଲେ । ଯାଜପୁର ରୋଡ ଡାକ୍ତରଖାନାରେରେ ଦୁଇ ଦିନ ହେବ ଚିକିତ୍ସିତ ହେଉଥିଲେ । ଗତକାଲି ରାତିରେ ତାଙ୍କର ଦେହାନ୍ତ ହୋଇଥିବା ଡାକ୍ତର ସୂଚନା ଦେଇଥିଲେ, ମାତ୍ର ସ୍ୱପ୍ନାଙ୍କ ଅନ୍ତିମ ସତ୍କାର କରିବାକୁ ପାଖରେ କେହି ନଥିଲେ । ଶେଷରେ ଏହି ଖବର ପାଇ ସହିଦ ଭଗତସିଂ ଯୁବକ ସଂଘର ସଭାପତି ରାଜେନ୍ଦ୍ର ବିଶ୍ୱାଳ, ସଂପାଦକ ହେମନ୍ତ କୁମାର ଧୀର ଓ ବ୍ୟାସସେନାର ଅଭିଷେକ ପହି, ମଣିଭଦ୍ର ମଲ୍ଲିକ ସହିତ ତାଙ୍କ ସଙ୍ଘର ସଦସ୍ୟ ମାନେ ଯାଜପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପହଞ୍ଚି ବ୍ୟାସ ସରୋବରସ୍ଥିତ ଶ୍ମଶାନରେ ତାଙ୍କର ଶେଷକୃତ୍ୟ ସମ୍ପନ୍ନ କରିଥିଲେ । ଏହି ଯୁବକଙ୍କର ଏଭଳି କାର୍ଯ୍ୟକୁ ସାଧାରଣରେ ପ୍ରଶଂସା ମିଳିଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
