ଯାଜପୁର: ଦାନଗଦି ବ୍ଲକ ମାନପୁରରୁ 14 ନାଗସାପ ଉଦ୍ଧାର । ଉଦ୍ଧାର ସାପଗୁଡିକ ମଧ୍ୟରେ 13ଟି ଛୁଆ ନାଗ ଏବଂ ଗୋଟିଏ ମା ନାଗ ରହିଛି । ସ୍ନେକ୍ ହେଲ୍ପଲାଇନର ସହାୟତାରେ ଏହାକୁ ଉଦ୍ଧାର କରିଛି ଯାଜପୁର ରୋଡ ବନବିଭାଗ । ସାପଗୁଡିକରେ ସ୍ବାସ୍ଥ୍ୟବସ୍ଥା ଠିକ ଥିବା ଜଣାପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ସୂଚନା ମୁତାବକ, ମାନପୁର ଅଞ୍ଚଳରେ ଶିବପ୍ରସାଦ ଜେନାଙ୍କ ଘରେ ପ୍ରଥମେ ଗୋଟିଏ ସାପ ଦେଖିବାକୁ ମିଳିଥିଲା । ଏନେଇ ପରିବାର ଲୋକ ବନବିଭାଗକୁ ଜଣାଇଥିଲେ। ବନବିଭାଗ ଅଧିକାରୀ ଏ ସମ୍ପର୍କରେ ତୁରନ୍ତ ସ୍ନେକ ହେଲ୍ପଲାଇନକୁ ଖବର ଦେଇଥିଲେ । ମଣିଭଦ୍ର ମଲ୍ଲିକଙ୍କ ନେତୃତ୍ବରେ ହେଲ୍ପ ଲାଇନର ଦୁଇ ଜଣିଆ ସଦସ୍ୟ ଓ ବନବିଭାଗର କର୍ମଚାରୀ ଘଟଣା ସ୍ଥଳରେ ପହଞ୍ଚି 13ଟି ଛୁଆ ନାଗ ଏବଂ ମା ନାଗକୁ ଉଦ୍ଧାର କରିଛନ୍ତି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
