ଜଗତସିଂହପୁର: ବିନା କାରଣରେ ଲୋକଙ୍କୁ ମାଡ ମାରି ନିଲମ୍ବିତ ହୋଇଛନ୍ତି 2 ଜଣ ପୋଲିସ କର୍ମଚାରୀ । ଘଟଣା ଘଟିଛି ଜଗତସିଂହପୁର ଜିଲ୍ଲାରେ ।
ବିନା କାରଣରୁ ଲୋକଙ୍କୁ ମାଡ ମାରି ନିଲମ୍ବିତ 2 ପୋଲିସ କର୍ମଚାରୀ
ସୂଚନାନୁସାରେ ଏରସମା ଅଞ୍ଚଳରେ ଏକ ଘରୋଇ ମୋବାଇଲ କମ୍ପାନୀ ଟାୱାରରେ କାର୍ଯ୍ୟ କରୁଥିବା ଜଣେ କର୍ମଚାରୀ କାମ ସାରି ଫେରୁଥିଲେ । ଏହି ସମୟରେ ସେ ପୋଲିସ ହାବୁଡ଼ରେ ପଡ଼ି ଯାଇଥିଲେ । ତେବେ ପୋଲିସକୁ ସେ ନିଜ ପରିଚୟ ଦେବା ପରେ ବି ଏରସମା ଥାନା ଏସଆଇ ଦିନେଶ ପଟା ତାଙ୍କୁ ନିର୍ମମ ଭାବେ ମାଡ ମାରିଥିଲେ । ଏନେଇ ଏସପିଙ୍କ ନିକଟରେ ଅଭିଯୋଗ ହୋଇଥିଲା ।
ସେହିପରି ବାଲିକୁଦା ଥାନା କନେଷ୍ଟବଳ ଶିବପ୍ରସାଦ ନାୟକ ତାରସାହି ଅଞ୍ଚଳରେ କେତେକ ଲୋକଙ୍କୁ ବିନା କାରଣରେ ମାଡ ମାରିଥିବା ଅଭିଯୋଗ ହୋଇଥିଲା । ଏସପି ଉଭୟ ଘଟଣାକୁ ନେଇ ତୁରନ୍ତ ତଦନ୍ତ ନିର୍ଦ୍ଦେଶ ଦେଇଥିଲେ । ରବିବାର ରିପୋର୍ଟ ଆସିବା ପରେ 2 ପୋଲିସ କର୍ମଚାରୀଙ୍କୁ କାର୍ଯ୍ୟରୁ ନିଲମ୍ବିତ କରାଯାଇଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
