ଜଗତସିଂହପୁର: ଜିଲ୍ଲାରେ ଗତ ଦୁଇ ଦିନ ହେବ ଟ୍ରାଫିକ କଟକଣାକୁ କୋହଳ କରାଯାଇଛି । ଦେଶରେ ନୂତନ ମୋଟର ଯାନ ଆଇନ ଲାଗୁ ହେବା ଫଳରେ ଜନସାଧାରଣଙ୍କ ମଧ୍ୟରେ କୋକୁଆ ଭୟ ସୃଷ୍ଟି ହୋଇଥିଲା । ତେବେ ଆଜି ମୁଖ୍ୟମନ୍ତ୍ରୀ ଏନେଇ ଏକ ଗୁରୁତ୍ବପୂର୍ଣ୍ଣ ଘୋଷଣା କରିଛନ୍ତି । ତିନି ମାସ ମଧ୍ୟରେ ସମସ୍ତ କାଗଜପତ୍ର ପ୍ରସ୍ତୁତ କରିବାକୁ କହିବା ପରେ ଟ୍ରାଫିକ ନିୟମକୁ କେତେକାଂଶରେ କୋହଳ କରାଯାଇଛି।
ଜିଲ୍ଲାରେ ପରିବହନ ବିଭାଗ ଓ ପୋଲିସ ପକ୍ଷରୁ ମିଳିତ ଭାବେ12ଟି ସ୍ଥାନରେ ଯାଞ୍ଚ ପ୍ରକ୍ରିୟା ଆରମ୍ଭ ହୋଇଥିଲେ। ମୋଟାମୋଟି ଭାବରେ ମଦ ପିଇ ଗାଡି ଚଳାଇବା, ବିନା ହେଲମେଟ, ଗାଡିର ବୀମା, ରେଜିଷ୍ଟ୍ରେସନ ଓ ପ୍ରଦୂଷଣ ନିୟନ୍ତ୍ରଣ ପ୍ରମାଣ ଆଦି ଯାଞ୍ଚ କରାଯାଇଥିଲା।
ଭିଡିଓ ସୌଜନ୍ୟ- ପ୍ରତିନିଧି, ଜଗତସିଂହପୁର
ଏଥିରେ ମୋଟ 1200 ଗାଡିକୁ ଧରାଯାଇ ପ୍ରାୟ 7 ଲକ୍ଷ ଟଙ୍କାରୁ ଅଧିକ ଅର୍ଥ ଜୋରିମାନା ଆକାରରେ ଆଦାୟ କରାଯାଇଛି । ଏବେ ଯାଞ୍ଚ ପକ୍ରିୟାକୁ କୋହଳ କରି ଦିଆଯାଇଛି। ଯାହାଫଳରେ ଲୋକେ ସାମାନ୍ୟ ଆଶ୍ବସ୍ଥି ଅନୁଭବ କରଛନ୍ତି।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
