ଜଗତସିଂହପୁର: ପାରାଦ୍ୱୀପ ଅଠର ବାଙ୍କୀ ନିକଟରେ ଟ୍ରାଫିକ ଜାମକୁ ନେଇ ଉତ୍ତେଜନା । କୋଇଲା ବୋଝେଇ ଟ୍ରକ ଡ୍ରାଇଭରକୁ ଅଟକାଇବାରୁ ଡ୍ରାଇଭରଙ୍କ ଉନ୍ମକ୍ତ କାଣ୍ଡ ଦେଖିବାକୁ ମିଳିଛି । ସମ୍ପୃକ୍ତ ଡ୍ରାଇଭରକୁ ଅଟକ ରଖିଛି ପୋଲିସ ।
ପାରାଦ୍ୱୀପରେ ଟ୍ରକ ଡ୍ରାଇଭରଙ୍କ ଉନ୍ମକ୍ତ କାଣ୍ଡ: ପୋଲିସ ଭ୍ୟାନ ଉପରେ ମଡାଇଦେଲେ ଟ୍ରକ
ସୂଚନା ଅନୁସାରେ ଆଜି(ମଙ୍ଗଳବାର) ଅପରାହ୍ନ 3 ଟା ସମୟରେ ପାରାଦ୍ୱୀପ ଅଠର ବାଙ୍କୀ ନିକଟରେ ଏକ କୋଇଲା ବୋଝେଇ ଟ୍ରକ ରାସ୍ତା ଅବରୋଧ କରି ରଖିଥିଲା । ଫଳରେ ରାସ୍ତାର ଉଭୟ ପାର୍ଶ୍ବରେ ପ୍ରବଳ ଟ୍ରାଫିକ ଜାମ ହୋଇଥିଲା । ଘଟଣାସ୍ଥଳରେ ପିସିଆର ଭ୍ୟାନ ପହଁଚି ଟ୍ରକକୁ ସାଇଟ କରିବାକୁ ଡ୍ରାଇଭରକୁ କହିଥିଲା । ମାତ୍ର ଟ୍ରକ ଡ୍ରାଇଭର ଉତକ୍ଷିପ୍ତ ହୋଇ ପୋଲିସ ଗାଡି ଉପରେ ଟ୍ରକ ମଡାଇ ଦେବା ସହ ରାସ୍ତାକଡରେ ଥିବା କେତେକ ବାଇକ ଉପରେ ମଧ୍ୟ ଟ୍ରକ ମଡାଇ ଦେଇଥିଲା । ପୋଲିସ ଡ୍ରାଇଭରକୁ କାବୁକରି ଥାନାରେ ଅଟକ ରଖିଛି । ଘଟଣାସ୍ଥଳରେ ଉତ୍ତେଜନା ଲାଗିରହିଥିବା ଜଣାପଡିଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
