ଢିଙ୍କିଆ(ଜଗତସିଂହପୁର): ଏରସମା ବ୍ଲକ ଅନ୍ତର୍ଗତ ପ୍ରସ୍ତାବିତ JSW ପ୍ରକଳ୍ପ ଅଞ୍ଚଳ ଢ଼ିଙ୍କିଆରେ ପୁଣି ଉତ୍ତେଜନା । ଜିଲ୍ଲା ପ୍ରଶାସନ ଜୋର ଜବରଦସ୍ତ ପାନ ବରଜ ଭାଙ୍ଗୁଥିବା ଗ୍ରାମବାସୀମାନେ ଅଭିଯୋଗ କରିବା ସହ ବିରୋଧ କରିଛନ୍ତି । ଏହାକୁ ନେଇ ପୁଣିଥିରେ ପୋଲିସ ଓ ଗ୍ରାମବାସୀ ମୁହାଁମୁହିଁ ହୋଇଛନ୍ତି । ତେବେ ପୋଲିସ ଲାଠିମାଡ କରିଥିବା ସୂଚନା ରହିଛି ।
JSW Project: ଢିଙ୍କିଆରେ ପୋଲିସ-ଗ୍ରାମବାସୀ ମୁହାଁମୁହିଁ
ଏହାମଧ୍ୟ ପଢନ୍ତୁ: ପାନ ବରଜ ଭଙ୍ଗାକୁ ନେଇ ପୁଣି ଢ଼ିଙ୍କିଆରେ ଉତ୍ତେଜନା
ଗ୍ରାମବାସୀମାନେ କରିଥିବା ଅସ୍ଥାୟୀ ଶିବିରକୁ ପୋଲିସ ଭାଙ୍ଗିଦେଇଥିବା ଅଭିଯୋଗ ହୋଇଛି । ଏଥିସହିତ ପରିସ୍ଥିତି ନିୟନ୍ତ୍ରଣ ପାଇଁ ପୋଲିସକୁ ଲାଠି ଚାଳନା କରିବାକୁ ପଡିଛି । ଲାଠି ମାଡରେ କିଛି ଗ୍ରାମବାସୀ ଆହତ ହୋଇଥିବା ଖବର ମଧ୍ୟ ସାମ୍ନାକୁ ଆସୁଛି । ସ୍ଥାନୀୟ ଅଞ୍ଚଳରେ ବର୍ତ୍ତମାନ ସୁଦ୍ଧା ପୋଲିସ ଜଗି ରହିଥିବାବେଳେ, ଚାପା ଉତ୍ତେଜନା ଲାଗି ରହିଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
