ଜଗତସିଂହପୁର: ପାରାଦ୍ୱୀପରେ ଉପକୂଳ ତଟରଖି ବାହିନୀ ପକ୍ଷରୁ ପ୍ରଦୂଷଣ ନିୟନ୍ତ୍ରଣ କର୍ମଶାଳା ଅନୁଷ୍ଠିତ ହୋଇଛି । ଅନେକ ସମୟରେ ସମୁଦ୍ର ମଧ୍ୟରେ ଚଳାଚଳ କରୁଥିବା ଜାହାଜରୁ ତୈଳ ନିର୍ଗତ ହୋଇ ସମୁଦ୍ର ପାଣିକୁ ପ୍ରଦୂଷିତ କରୁଛି । ଏହାର ପ୍ରଭାବରେ ସାମୁଦ୍ରିକ ଜୀବ ବିଶେଷ ଭାବରେ କ୍ଷତିଗ୍ରସ୍ତ ହେଉଛନ୍ତି । ଏହି ସମସ୍ୟାକୁ କିଭଳି ମୁକାବିଲା କରାଯାଇ ପାରିବ ତାକୁ ନେଇ ତଟରଖି ବାହିନୀ ପକ୍ଷରୁ ପ୍ରଦୂଷଣ ନିୟନ୍ତ୍ରଣ କର୍ମଶାଳା ଆୟୋଜିତ କରାଯାଇଥିଲା ।
ଏହା ମଧ୍ୟ ପଢ଼ନ୍ତୁ: ପାରାଦ୍ୱୀପ ବନ୍ଦରରେ ଅଘଟଣ, ପୋତାଶ୍ରୟରେ ଅଳ୍ପକେ ବର୍ତ୍ତିଲା ଡ୍ରୋଜର
ଅନୁଷ୍ଠିତ କର୍ମଶାଳାରେ ତଟରଖି ବାହିନୀର ଡିଆଇଜି ୱାଇକେ ସିଂ ଯୋଗଦେଇ ସମୁଦ୍ର ପ୍ରଦୂଷଣ ରୋକିବା ନେଇ ଆଲୋଚନା କରିଥିଲେ । ଏହି ଅବସରରେ ସମୁଦ୍ର ଗର୍ଭରେ କୌଶଳାଭ୍ୟାସ କରାଯାଇଥିଲା । ବନ୍ଦରର ଟଗବୋଟ ସମେତ ତଟରଖି ବାହିନୀର ଜାହାଜ ଏଥିରେ ସାମିଲ ହୋଇଥିଲା । ଏହି କର୍ମଶାଳାରେ ଓଡ଼ିଶା ଓ ପଶ୍ଚିମବଙ୍ଗ ତଟରଖି ବାହିନୀର ପ୍ରତିନିଧିମାନେ ଯୋଗ ଦେଇଥିଲେ ।
ଇଟିଭି ଭାରତ, ଜଗତସିଂହପୁର
