ଜଗତସିଂହପୁର: ନୂଆବର୍ଷରୁ ଜଗତସିଂହପୁର ଗୋରେଖନାଥ ପୀଠରେ ବନ୍ଦ ରହିଛି ପ୍ରସାଦ ସେବା । ସେବାୟତ ଓ ମନ୍ଦିର ପ୍ରସାଶନ ବିବାଦ ଯୋଗୁ ମାନସିକ ଭୋଗ ବନ୍ଦ ରହିବା ସହିତ ରୋଷଘରେ ତାଲା ପଡିଛି ।
ତେବେ ପୂର୍ବରୁ ଗୋରେଖନାଥ ମନ୍ଦିରକୁ ଆସୁଥିବା ଶ୍ରଦ୍ଧାଳୁଙ୍କ ପାଇଁ ଅନ୍ନଭୋଗ ପୂଜକମାନେ ରନ୍ଧନ କରି ବିକ୍ରୟ କରୁଥିଲେ । କିନ୍ତୁ ମନ୍ଦିର ପ୍ରଶାସନ ଏହାକୁ ଅନୁମତି ଦେଇନଥିଲା । ଯାହାକୁ ନେଇ ଦିର୍ଘ ଦୁଇଦିନ ହେବ ପୂଜକ ଓ ପ୍ରଶାସନ ମଧ୍ୟରେ ବିବାଦ ଲାଗି ରହିଛି।
ଏହାକୁ ବିରୋଧ କରି ପୂଜକ ଓ ତାଙ୍କ ପରିବାର ମନ୍ଦିର ସାମ୍ନାରେ ଧାରଣାରେ ବସିଛନ୍ତି । ମଙ୍ଗଳବାର ଜଗତସିଂହପୁର ଉପଜିଲ୍ଲାପାଳ ଧାରଣା ଦେଇଥିବା ପୂଜକଙ୍କ ସହିତ ଆଲୋଚନା କରିଥିଲେ । ମନ୍ଦିର ପ୍ରଶାସନ କହିଛି ଯେ 3 ଲକ୍ଷ ଟଙ୍କାର ଅମାନତ ରାଶି ରଖି ଅନୁମତି ନେଇ ପୂଜକମାନେ ପ୍ରସାଦ ବିକ୍ରୟ କରିପାରିବେ କିନ୍ତୁ ପୂଜକମାନେ ଏହାକୁ ଘୋର ବିରୋଧ କରିଛନ୍ତି । ଏନେଇ ମନ୍ଦିର ପ୍ରସାଶନ ଓ ପୂଜକ ମାନଙ୍କ ମଧ୍ୟରେ ଆଲୋଚନା ଜାରି ରହିଛି ।
ଜଗତସିଂହପୁରରୁ ଶୁସାନ୍ତ ପାତ୍ର, ଇଟିଭି ଭାରତ
