ଜଗତସିଂହପୁର: ଲକ ଡାଉନ ଯୋଗୁଁ ପଣା ସଂକ୍ରାନ୍ତି ଫିକା ପଡି ଯାଇଛି । ଘର ଅଗଣରେ ଥିବା ବୃନ୍ଦାବତୀଙ୍କୁ ଜଳ ଦାନ କରି ନିରାଡମ୍ବର ଭାବେ ପାଳନ କରାଯାଇଛି । ସହର ହେଉ ବା ଗାଁ ସବୁଠି ତୁଳସୀ ଚଉରା ମୂଳରେ ଲୋକେ ଠେକି ବସାଇ ଜଳଦାନ କରି ବୃନ୍ଦାବତୀଙ୍କୁ ପୂଜା କରିଥିଲେ । ନିଜ ଘରେ ଲୋକେ ବୁଟ ଚୁନା ପ୍ରସ୍ତୁତ କରି ମା ବୃନ୍ଦାବତୀଙ୍କ ଉଦ୍ଦେଶ୍ୟରେ ନୈବେଦ୍ୟ ଅର୍ପଣ କରିଥିଲେ ।
ନିରାଡ଼ମ୍ବର ଭାବେ ପଣା ସଂକ୍ରାନ୍ତି ପର୍ବ ଅନୁଷ୍ଠିତ
ଲକ ଡାଉନ ଯୋଗୁ ଜଗତସିଂହପୁର ଜିଲ୍ଲାରେ ପଣା ସଂକ୍ରାନ୍ତି ପର୍ବ ଫିକା ପଡ଼ିଥିଲେ ବି ପରମ୍ପରା ବଜାୟ ରଖିଥିଲେ ଲୋକେ । ସାମାଜିକ ଦୂରତ୍ବ ବଜାୟୀ ରଖି ପୂଜାର୍ଚ୍ଚନା କରୁଥିବା ଦେଖିବାକୁ ମିଳିଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର ,ଇଟିଭି ଭାରତ
