ଜଗତସିଂହପୁର: ଜିଲ୍ଲାର ନାଉଗାଁ ଥାନା ଅନ୍ତର୍ଗତ ତେଣ୍ଟଇ ଗ୍ରାମରେ ଅଭାବନୀୟ ଘଟଣା ଦେଖିବାକୁ ମିଳିଛି । ନିଆଁରେ ପୋଡ଼ିହୋଇ ଜଣେ ମହିଳା ମୃତ୍ୟୁବରଣ କରିଥିବା ବେଳେ ତାଙ୍କ ଦେଢ଼ ବର୍ଷର ପୁଅ ଗୁରୁତର। ମୃତ ମହିଳା ହେଲେ ତେଣ୍ଟଇ ଗ୍ରାମର ତପନ ସେଠୀଙ୍କ ପତ୍ନୀ ଲିପି ସେଠୀ ।
ପାରିବାରିକ ଝଗଡା କାରଣରୁ ଲିପି ନିଜ ଦେହରେ କିରୋସିନ ଢାଳି ଆତ୍ମହତ୍ୟା କରିଥିବା ପୋଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି । ଲିପିଙ୍କ ଦେଢ଼ ବର୍ଷର ପୁଅ ମଧ୍ୟ ନିଆଁରେ ପୋଡ଼ିହୋଇ ଗୁରୁତର ହୋଇଥିବାରୁ ତାକୁ ପ୍ରଥମେ ଜଗତସିଂହପୁର ମେଡ଼ିକାଲ ଏବଂ ପରେ କଟକ ସ୍ଥାନାନ୍ତର କରାଯାଇଛି । ନାଉଗାଁ ପୋଲିସ ସାଇଣ୍ଟିଫିକ ଦଳ ସହିତ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
