ଜଗତସିଂହପୁର: ଆଜି ମା'ଙ୍କ ଚାଲିଛି ମହାନବମୀ ପୂଜା । ଏନେଇ ଜଗତସିଂହପୁରର ବିଭିନ୍ନ ଦୁର୍ଗାପୂଜା ମଣ୍ଡପରେ ବେଶ୍ ଭିଡ ପରିଲକ୍ଷିତ ହେଉଛି। ତେବେ ପୂଜାମଣ୍ଡପ ବୁଲିବାକୁ ଭୁଲି ନାହାନ୍ତି ପ୍ରଶାସକ କି ରାଜନେତା ।
ପୂଜା ମଣ୍ଡପ ବୁଲୁଛନ୍ତି ଜିଲ୍ଲାପାଳ ଓ ବିଧାୟକ
ଆଜି ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ର ମା' ଦୁର୍ଗାଙ୍କୁ ଦର୍ଶନ କରିବା ପାଇଁ ବିଭିନ୍ନ ପୂଜା ମଣ୍ଡପ ବୁଲି ଦେଖିଥିଲେ। ପରେ ବିଧାୟକ ପ୍ରଶାନ୍ତ ମୁଦୁଲି। କାଜୁନିଗମ ଅଧ୍ୟକ୍ଷ ଅମରେନ୍ଦ୍ର ଦାସ ମଧ୍ୟ ବିଭିନ୍ନ ପୂଜାମଣ୍ଡପ ବୁଲି ଦେଖିଥିଲେ ।
ଗାନ୍ଧୀ ଛକ ଠାରୁ ସୁବର୍ଣ୍ଣ ବରାହି ମନ୍ଦିର ପର୍ଯ୍ୟନ୍ତ ନାହିଁ ନଥିବା ଗହଳି ଦେଖିବାକୁ ମିଳିଛି। ଗୋପାଳ ସାଗର ବନଦୁର୍ଗା ପୂଜା ମଣ୍ଡପ, ପୂର୍ଣମାସୀ ଦୁର୍ଗା ମଣ୍ଡପ, ହାଟ ବଜାର ଦୁର୍ଗା ମଣ୍ଡପରେ ଆଜି ମହାନବମୀ ପୂଜା ଅନୁଷ୍ଠିତ ହୋଇଛି । ବିଧି ମୁତାବକ ଆଜି ଅର୍ଦ୍ଧ ରାତ୍ରରେ କାଳିକା ନୃତ୍ୟୁ ଅନୁଷ୍ଠିତ ହେବ। ଆସନ୍ତାକାଲି ବିଜୟା ଦଶମୀ ପାଳନ କରାଯିବା ସହ ଅପରାଜିତା ପୂଜା କରାଯିବ।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
