ଜଗତସିଂହପୁର:ବଢୁଛି ମଦ ବିକ୍ରି । ତା ସହ ତାଳ ଦେଇ ବଢୁଛନ୍ତି ମଦ୍ୟପ । ରାଜ୍ୟର ଗଳିକନ୍ଦିରେ ରାଜୁତି କରୁଛନ୍ତି ମଦ୍ୟପ ଓ ମଦ ଦୋକାନ । ଗଳି ଗଳିରେ ଖୋଲୁଛି ସରକାରୀ ଲାଇସେନ୍ସ ପ୍ରାପ୍ତ ମଦ ଦୋକାନ । ଜଗତସିଂହପୁରରେ ଏମିତି କିଛି ମହିଳା ଚୋରା ମଦ ବିକ୍ରି କରୁଥିବା ଦୋକାନ ଉପରେ ଅତର୍କିତ ଅକ୍ରମଣ କରି ଉଚିତ୍ ଶିକ୍ଷା ଦେଇଛନ୍ତି ।
ବଡ ତ ବଡ ଛୋଟ ପିଲା ବି ମଦ ନିଶାରେ କବଳିତ । କିନ୍ତୁ ଅବକାରୀ ବିଭାଗ ନିଦାବିଷ୍ଣୁ । ମଦ ମାଫିଆ ମାନେ ପୋଲିସ ଓ ଅବକାରୀ ବାବୁ ଙ୍କୁ ହାତକରି ବେଧଡକ ବେପାର ଜମାଇଛନ୍ତି । ଯାହାକୁ ନେଇ ତାତିଛନ୍ତି ମହିଳା । ଆଜି ସଦର ଥାନା ଅନ୍ତର୍ଗତ ରମ୍ଭା ଦେଈପୁର ପଞ୍ଚାୟତର ଦଳିତ ମହିଳା ମାନେ ଚୋରା ମଦବିକ୍ରୀ କରୁଥିବା ଦୋକାନ ଉପରେ ଅତର୍କିତ ଚଢ଼ାଉ କରିଥିଲେ । ମଦ ରନ୍ଧା ଭାଟିକୁ ଭାଙ୍ଗିବା ସହ ରନ୍ଧାରେ ବ୍ୟବହୃତ ହାଣ୍ଡିକୁ ଭାଙ୍ଗି ଦେଇଥିଲେ । ପରେ ପୋଲିସିକୁ ଖବର ଦେଇଥିଲେ । ଘଟଣା ସ୍ଥଳରେ ପୋଲିସ ପହଞ୍ଚି ମହିଳାଙ୍କୁ ବୁଝାସୁଝା କରିବା ସହ ଚୋର ମଦ ବ୍ରିକ୍ରିକୁ ରୋକାଯିବାକୁ ପ୍ରତିଶୃତି ଦେଇଛନ୍ତି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
