ଜଗତସିଂହପୁର: ଜିଲ୍ଲାର ଏରସମା ତହସିଲ ଅନ୍ତର୍ଗତ ଢ଼ିଙ୍କିଆ ନୂଆଗାଁ ଓ ଗଡ଼କୁଜଙ୍ଗ ପଞ୍ଚାୟତରେ ପ୍ରସ୍ତାବିତ JSW ପ୍ରକଳ୍ପ ପାଇଁ ପାନ ବରଜ ଭାଙ୍ଗିବା ଜାରି ରଖିଛି ଜିଲ୍ଲା ପ୍ରଶାସନ । ଢ଼ିଙ୍କିଆ ପଞ୍ଚାୟତର ପାଟଣା, ମାହାଳ ଓ ଗୋବିନ୍ଦପୁର ଗାଁରେ ପାନବରଜ ମାପଚୁପ ଜାରି ରହିଛି ।
ଏହାମଧ୍ୟ ପଢନ୍ତୁ: JSW Project: ଢ଼ିଙ୍କିଆରେ ବିରୋଧୀଙ୍କ ପଦଯାତ୍ରା
ସେହିପରି ଗୋବିନ୍ଦପୁର ଗାଁରେ ପାନବରଜ ଭଙ୍ଗା ଯାଇଥିବା ଜମିରେ ଗଛ କଟା ନେଇ ଚିହ୍ନଟ ପ୍ରକ୍ରିୟା ଆରମ୍ଭ ହୋଇଛି। ପ୍ରାୟ ଦୁଇ ଶହରୁ ଊର୍ଦ୍ଧ୍ବ ଗଛ ଚିହ୍ନଟ କରାଯାଇଛି । ଏହାମଧ୍ୟରେ ସଜନା, ଆମ୍ବ, ପଣସ, କାଜୁ, କଦଳୀ ଭଳି ବିଭିନ୍ନ ପ୍ରକାରର ଫଳନ୍ତି ବୃକ୍ଷ ରହିଛି ।
ତେବେ ତାହା ଉଦ୍ୟାନ ବିଭାଗ ପକ୍ଷରୁ ମୂଲ୍ୟାୟନ କରାଯିବା ପରେ ସମ୍ପୁକ୍ତ ହିତାଧିକାରୀଙ୍କୁ କ୍ଷତିପୂରଣ ବାବଦ ଆର୍ଥିକ ସହାୟତା ପ୍ରଦାନ କରାଯିବ । ଆଜି ସୁଦ୍ଧା ୨୭୦ ରୁ ଊର୍ଦ୍ଧ୍ବ ପାନବରଜ ମାପଚୁପ କରାଯାଇଥିବାବେଳେ ୮୨ ଡିସିମିଲରୁ ଊର୍ଦ୍ଧ୍ବ ଜମି ଅଧିଗ୍ରହଣ କରାଯାଇଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
