ଜଗତସିଂହପୁର: ବାଣ ବିକ୍ରି ଓ ଫୁଟାଇବା ଉପରେ ପ୍ରତିବନ୍ଧକ ଲଗାଇଛନ୍ତି ରାଜ୍ୟ ସରକାର । ଏପରିସ୍ଥିତିରେ ରାଜ୍ୟର ବିଭିନ୍ନ ସ୍ଥାନରେ ଚୋରାରେ ବାଣ ବିକ୍ରି କରାଯାଉଥିବା ନେଇ ଜଣାପଡିଛି । ତେବେ ଶନିବାର ଜଗତସିଂହପୁର ପୋଲିସ ଜିଲ୍ଲାର ବିଭିନ୍ନ ସ୍ଥାନରେ ଚଢାଉ କରିଛି ।
ପୋଲିସ ବିଭିନ୍ନ ସ୍ଥାନରେ ବିକ୍ରି ହେଉଥିବା ଚୋରା ବାଣ ଦୋକାନରେ ଅତର୍କିତ ଚଢ଼ାଉ କରି ବିପୁଳ ପରିମାଣର ବାଣ ଜବତ କରିଛି । ଜଗତସିଂହପୁର ଥାନା ଅଧିନ କେରସ ଗ୍ରାମର ଓକାଁର ନାଥ ମଲିକଙ୍କ ଘରେ ଚଢ଼ାଉ କରାଯାଇ ଲକ୍ଷାଧିକ ମୂଲ୍ୟର ବାଣ ଜବତ କରିଛି ।
ସ୍ଥାନୀୟ ଅଞ୍ଚଳର ରବି ନାରାୟଣ ପୃଷ୍ଟି ଓ କୃଷ୍ଣ ଚନ୍ଦ୍ର ମଳିକ ବାଣ ବିକୁଥିବା ଖବର ପାଇ ପୋଲିସ ଚଢ଼ାଉ କରିଥିଲା । ତେବେ ଦୋକାନରୁ ଲକ୍ଷାଧିକ ଟଙ୍କାର ବାଣ ଜବତ କରାଯିବା ସହ 3 ଜଣଙ୍କୁ ଗିରଫ କରିଛି ଜଗତସିଂହପୁର ପୋଲିସ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର ଭଟିଭି ଭାରତ
