ଜଗତସିଂହପୁର: ଜିଲ୍ଲାର ବାଲିକୁଦା ତହସିଲ ଅଧିନସ୍ଥ ବରମୁଣ୍ଡଳୀ ପଞ୍ଚାୟତର କୋରୁଆ ପଡା ଗ୍ରାମରେ ରାଜସ୍ବ ନିରୀକ୍ଷକଙ୍କ ମାଡ ମାରିଥିବା ଅଭିଯୁକ୍ତକୁ ଗିରଫ କରିବା ଦାବିରେ ଅମଲା ସଂଘ କଲମ ଛାଡ ଆନ୍ଦୋଳନ କରୁଛି । ଆନ୍ଦୋଳନ ଯୋଗୁଁ ସରକାରୀ କାମରେ ବାଧା ଉପୁଜୁଥିବା ଦର୍ଶାଇ ଜିଲ୍ଲାପାଳ କର୍ମଚାରୀଙ୍କୁ ନୋଟିସ ଜାରି କରିଛନ୍ତି ।
ଗତ 20 ତାରିଖ ଦିନ ବାଲିକୁଦା ତହସିଲ ଅଧିନସ୍ଥ ବର ମୁଣ୍ଡଳୀ ପଞ୍ଚାୟତର କୋରୁଆ ପଡା ଗ୍ରାମରେ ରାଜସ୍ୱ ନିରୀକ୍ଷକ ସୁଶାନ୍ତ ସ୍ୱାଇଁଙ୍କୁ ମାଡ଼ ମରାଯାଇଥିଲା । ଯାହାକୁ ନେଇ ଗତ ଜାନୁଆରୀ 21 ତାରିଖଠାରୁ ଅଭିଯୁକ୍ତକୁ ଗିରଫ କରିବା ଦାବିରେ ଜିଲ୍ଲା ଅମଲା ସଙ୍ଘ ଜିଲ୍ଲାପାଳଙ୍କ କାର୍ଯ୍ୟଲୟ ସମ୍ମୁଖରେ ଧାରଣା ଦେଇଆସିଛୁ । ଏହାକୁ ସମର୍ଥନ କରି ନିଖିଳ ଉତ୍କଳ ଚତୁର୍ଥ ଶ୍ରେଣୀ କର୍ମଚାରୀ ସଂଘ, ରାଜ୍ୟ ରାଜସ୍ୱ କ୍ଷେତ୍ର ସଂଘ ମଧ୍ୟ ଧାରଣାରେ ବସିଛନ୍ତି ।
କର୍ମଚାରୀଙ୍କ ଆନ୍ଦୋଳନ ଯୋଗୁଁ ଦୀର୍ଘ 10 ଦିନ ହେବ ସରକାରୀ କାର୍ଯ୍ୟ ବାଧାପ୍ରାପ୍ତ ହେଉଛି ବୋଲି ଜିଲ୍ଲାପାଳ କହିଛନ୍ତି । ଏଥିଲାଗି କେତେକ କର୍ମଚାରୀଙ୍କୁ ଜିଲ୍ଲାପାଳ ସୋମବାର ନୋଟିସ ଜାରି କରିଥିବା ଜଣାପଡିଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
