ଜଗତସିଂହପୁର: ପବିତ୍ର ଘୋଷଯାତ୍ରାକୁ ନେଇ ଉତ୍ସବ ମୁଖର ସମଗ୍ର ରାଜ୍ୟ । ଅନ୍ୟାନ୍ୟ ଜିଲ୍ଲା ଭଳି ଜିଲ୍ଲାର ବହୁ ପ୍ରାଚୀନ ସିଦଳରାଜାଙ୍କ ଦ୍ବାରା ସ୍ଥାପିତ ଜଗନ୍ନାଥ ମନ୍ଦିରରେ ମହାପ୍ରଭୁଙ୍କ ରଥ ଗଡିଛି ।
ଭିଡିଓ ସୌଜନ୍ୟ: ପ୍ରତିନିଧି, ଜଗତସିଂହପୁର
ରଥଯାତ୍ରା ପାଇଁ ଭୋର 4ଟାରୁ ମହାପ୍ରଭୁଙ୍କ ଦ୍ୱାରଫିଟା, ମଙ୍ଗଳ ଆଳତି, ମଇଲମ, ପରେ ସ୍ନାନ କରାଯାଇ ଷୋଡଶ ଉପଚାର କରାଯାଇଥିଲା । ପରେ ରୋଷ ହୋମ, ସୂର୍ଯ୍ୟ ପୂଜା, ଦ୍ୱାରପାଳ ପୂଜା, ଖେଚେଡ଼ି ଧୂପ ପରେ ମଧ୍ୟାହ୍ନ 1 ଘଟିକାରେ ଶ୍ରୀଜୀଉଙ୍କ ପହଣ୍ଡି ବିଜେ ପରେ ଶ୍ରୀଜୀଉଙ୍କୁ ରଥାରୂଢ କରାଯାଇଥିଲା ।
ଅପରାହ୍ନ ୪ଟାରେ ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ର ରଥ ମର୍ଜନ କରିବା ସହିତ ଛେରା ପହଁରା ନୀତି ସମ୍ପନ୍ନ କରିଥିଲେ। ସନ୍ଧ୍ୟା 5 ଟା ସମୟରେ ରଥଟଣା ଆରମ୍ଭ ହୋଇଥିଲା । ହଜାର ହଜାର ଭକ୍ତଙ୍କ ହରିବୋଲ ହୁଳହୁଳି ଗଗନ ପବନ ମୁଖରିତ ହୋଇ ଉଠିଥିଲା ।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
